VOLLEYBALLIMI GM 2024
Volleyballimi GM naammassilluarpoq
Arfininngormat aalajangiunneqarpoq. Kangaamiormiut arnartaat kuultinnapput GSS2-lu angutini kuultinnalluni. Taamaalillutik klubbit taakku marluk Volleyballimi Kalaallit Nunaanni pissartanngorput 2024-mi.
Annonse
Assilisat amerlanerusut takukkit assimi siullermi tikkuut toorlugu.
Ulloq 26. martsimiit ulloq 30. martsimut Nuummi Volleyballimik Nunatsinni pissartanngorniunnerit ingerlanneqarput.
Unamminerpassuit klubbit akornanni pereermata tallimanngornermi paasinarsivoq, klubbit semifinalernissamut aamma finalernissamut angutini arnaniillu qanoq inissisimassanersut.
Brondzemedaljenut unamminerit
Arnat bronzemedaljennanniullutik unamminerat, arfininngornermi, GSS1 aamma GSS2 arnani klubbit akornanni pivoq. Tassani GSS1 bronzemedaljennappoq.
Angutini KTVI Kangaamiuniit GSS1 aamma arfininngornermi unammipput, aamma angutini GSS1 bronzemedaljennannippoq.
Finalit
Arnani I-69 Ilulissaneersoq KTVI-lu Kangaamiuneersoq finalimi naapipput.
KTVI Kangaamiuneersoq ajugaavoq unammilluaavereerlutik, taamaalillutillu KTVI-p arnartai nunatsinni pissartanngorniunnermi pissartatut taaneqarsinnaalerlutik.
Angutini GSS2 Nuummeersoq I-69 Ilulissaneersorlu pissartanngorniunnermi kuultinnannissamut unammipput, tassani GSS2 ajugaavoq taamaalillunilu angutini Volleyballimi Nunatsinni pissartatut klubbi sinnerlugu unammeqataasut imminnut taasinnaalerlutik.
Ukioq manna Nuna Pissartanngorniunnermi peqataasimasut klubbit makkuupput:
