Taekwondortartut sisamat EM-imut Kalaallit Nunaata aallartippai

Sloveniami Europami pissartanngorniunnermi ulluni makkunani ingerlanneqartumi taekwondortartut katillugit sisamat Kalaallit Nunaat sinnerlugu peqataapput.  

Ulluni apriilip 17-ianit 21-ata tungaanut unamminerit ingerlanneqassapput.

Lars Lennert Abelsen, Inukkuluk G. Lennert, Malik Sivertsen aamma Angutinnguaq Nielsen Europami pissartanngorniunnermut peqataasuupput.

AAMMA ATUARUK

VM-mi bronzennattoq: Misigisaq ingasaqaaq

- Unammisartut sungiusarluarnikuupput, EM tungaanut marloriarlutik katersuullutik sungiusaqatigiinnikuullutik, qaammallu kingulleq Sverigemi kissassaatitut unamminermi angusarissaarnikuullutik, nunanut allanut unammisartunut sungiusaasoq Angutinnguaq Hegelund-Tittussen, tusagassiuutinut nalunaarummi oqarpoq.

Unammeriaatsit arlallit

Lars Lennert Abelsen, siorna VM-imi bronzennattoq, angutit 4. Dan-imi unammineranni peqataassaaq, Inukkuluk G. Lennertilu tul-imi angutit 2. Dan-imi unammineranni peqataassalluni.

Malik Sivertsen inersimasuni frikampimi peqataassaaq, Angutinnguaq Nielsenilu inuusuttuni tul-imi 1. Dan-imi peqataassalluni.

- Unammisartut marluk EM-imi peqataarngaalerput, unamminerinerisalu malinnaaviginissaat qilanaaraarput, nunanut allanut unammisartunut sungiusaasoq Angutinnguaq Hegelund-Tittussen oqarpoq.

Nunanut allanut unammisartut Elite Sport Greenlandimit tapersersugaapput.