Issittumi unammiuaarnerit aallartipput
One-foot kickimi, timmisartumi og noqqoruunnernilu unamminerit allallu Qaqortumi aallartipput. Issittumi unammiuaarluni pisortatigoortumik pissartanngorniunnerit sapaatip akunnerani uani pissapput.
Annonse
Timersortartut 122-it nunatsinnit sumiiffinni 12-neersut Arctic Sportsimi pisortatigoortumik unammersuarniarlutik Qaqortumi ulluni makkunani katersuupput. Imminnut unammissallutik piareeqqalluinnarlutik.
Inuit issittumi pinnguaataannik unamminerit Arctic Sportsimiit Qaqortumi aaqqissuunneqarpoq. Unammiallu Qaanaamiit, Ikerasammiit, Ukkusissaniit, Uummannamiit, Qaarsuniit, Ilulissaniit, Attumiit, Sarfannguaniit, Itillermiit, Nuummiit, Kangerlussuarmiit Qaqortumiillu peqataapput.
Unammersuarnerit ullumi ataasinngornermi aallartipput, arfininngornerullu tungaanut pissallutik. Unammeqataasut 16-nut unammeriaatsinut assigiinngitsunut unammissapput, soorlu Two Foot High Kick ullumi unammissutigineqassasoq.
- Unammersuarnerit ullumikkut aallartipput. Silaannaq oqippoq, peqataasullu timersornerup anersaava pigigaat malunnarpoq, Arctic Sports Greenlandimi siulittaasortaavat Alfred Lindenhann nuumminngaanneersoq Sermitsiamut oqarpoq.
Unammersuarnermi pilersaarutit inernerillu Arctic Sports Greenlandsip Facebookiani quppernermi aamma Youtubemi malinnaaffigineqarsimmaapput.
