GSS pissartanngorniunnermi naligiiffiusumi ajugaavoq
Timersoqatigiiffiit GSS aamma NÛK nunatsinni arnat assammik arsarlutik pissartanngorniunneranni unamminerat naligiiffiuvoq.
Annonse
Arnat assammik arsarlutik nunatsinni pissartanngorniunneranni sapaammi ualikkut kuultinnattoqarlunilu sølvinnattoqartussaavoq.
Nuummi timersoqatigiiffiit GSS aamma NÛK Inussivimmi unammipput, tassanngaanniillu KNR toqqaannartumik allakaatitsivoq.
Unamminerup immikkoortua siulleq naligiiffiuvoq, unammisullu taakku marluk naligeeqaaq, kisianni NÛK siuaqqajaavoq.
Muminnermilu NÛK ataatsimik isertitaqarneruvoq, tassa 10-11.
Unamminerulli immikkoortuata aappaani GSS aallartilluarneruvoq, NÛK saassussimmat assersuilluarlutik Nukaaka Petrussen Lyberth isertitsimmat 11-11-mik naligiilerput, kinguninngualu Aili Pedersenip GSS 12-11-mik siuartippaa.
GSS siuariartorpoq
Minutsit 36-it unammisoqareersoq GSS 14-11-mik siuarpoq, minutsillu arlaqanngitsut ingerlareersut Nukaaka Petrussen Lyberth isertitseqqippoq, 18-13-imik inissisimalerlutik.
Minutsit 45-t arsartoqareersorlu 15-20-mik isertitsisoqareersorlu NÛK unikkallarnissamik piumasaqarpoq.
Tamatuma kingorna NÛK isertitseqattaaqqilerpoq, Aviana Kâjangmat strafferluni isertitsimmat 16-20-mik isertitaqalerput.
NÛK 19-22-mut isertitsivoq, tassanilu GSS unikkallarnissamik piumasaqarpoq.
NÛK ataatsimik isertitseqqippoq, kisianni tamatuma kingorna GSS unamminermi ingerlalluaqqilerpoq, Ivaana Holm isertitsisoralugu unammineq 26-21-mik inerneqarpoq.
