Af redaktionen
27-07 2010 - 14:40
Kalaaleq affarmik akissarsiutigalugu thai-boksimik tilluuttartoq Frank Vindbæk Madsen juulip qiteqqunnerani Iranimi nunat tamalaat unammeqattaarnissarsuannut qaaqquneqarsimavoq, taamatut allappoq gif.gl.
Iranimilu unammineq sakkortusimaqaaq.
- Kiattorujussuuvoq. Unammineq unnukkut sissami ingerlanneqarpoq taamaakkaluartoq 35 gradinik kialluni. Unammineq sakkortoqaaq, minnerunngitsumik kiannersua pissutigalugu. Ajugaavungali, Frank Madsen oqarpoq.
Frank Madsenip unammiuaarnermi takutippaa Kalaallit Nunaanneerluni. Takkuppoq sungiusaatigalugu atisamini kalaallit erfalasuaraat mersuussimasoq, erfalasorlu angisooq aamma nassarlugu, taannalu aaqqissuussisut naalagaaffiit allat erfalasui assingalugit halimi nivinngarpaat.
Frank Madsen Nuummi inunngorsimasoq piffissami matumani Århusimi ilinniagaqarpoq. Ullut tamaasa thai-boksernermik sungiusartarpoq timersuutinilu, maanna akissarsiutigilersimasani, nuannarisorujussuullugu.
For at kommentere, skal du registrere dig som bruger. Hvis du allerede har f.eks. en Facebook-profil, kan du let komme i gang bare ved at trykke på Facebook-ikonet (1).
Mere vejr
16°C