Benjamin sangusaapiloornermi bronze-nappoq
Nuuno Chemnitz Berthelsen tunuartitaavoq - medalje-nattussatut ilimanaraluarpoq
Kalaalit sisorartartut AWG-mi qaqutigoortumik aallartilluarput.
Ullormi siullermi sisorartartut kuultinnareerlutillu bronze-nareerput. Sermitsiaq.AG-llu paasisai malillugit Nuuno Chemnitz Berthelsen aamma medalje-nattussatut inissisimagaluarpoq.
Sukkasuumik sisusimavoq qularnanngitsumillu porti ataaseq kukkusimallugu, Kalaallit Nunaalli maalaaruteqarpoq, siulliullutik sisutut Nuunutulli sisusimammata. Maalaarut itigartinneqarpoq. Taamaasilluni immaqa uggornartumik medalje-nanngitsoorpoq.
Atuaruk "Tonny Fisker Kneel Jumpimi kakkannersaavoq"
Atuaruk assillu takullugit "Nunatta kuultinnattaava siulleq"
Atuaruk assillu takullugit "Ammaanersiorneq nalissaqanngitsoq"
Akerlianik Benjamin Hammeken ingerlalluarpoq. Taanna marloriarluni sisoreerluni normu 2-ngorpoq atorsimallugit 2.02,24 minutsit. Ajugaasuuvoq Alaskameersoq Barren Cabana, atorsimallugit 1.53,79 minutsit. Aqqaluk Petersen normu 6-inngorpoq atorsimallugit 2.19,38 minutsit.
Bordtennisimi badmintonimilu holdikkaarluni unamminerit ingerlanneqaleruttorput. Marlunngorpat unamminerit naggataajusut ingerlanneqassapput mannali tikillugu isumalluarnartoqarallarpoq. Taamaasilluni bordtennisimi ulloq siulleq ajorsartoqanngilaq.