Kalaallit Airports: Taamaammat ASN-imut nassuiaammik nutaamik saqqummiussivugut
Nuummi mittarfimmik sanaartornissami sulinermut paasissutissat arlaqartut saqqummerput, taamaattumillu Kalaallit Airportsip nutaamik ASN-imik nassuiaammik nutaamik suliaqarnissaanik kinguneqartitsivoq.
Suliniummi pisortap Aviaaja Karlshøj Knudsenip Kalaallit Airportsimeersup, mittarfiliortiternissamut inatsisip politikerinit aalajangiiffigineqarnerata aqaguani ASN-imut nassuiaammik nutaamik tusarniaassutissamik nassiussisoqarsimanersoq nassuiarusuppaa.
Naalakkersuisoqarfik apeqquteqartoq
ASN-imut nassuiaat siulleq ukioq manna februaarimi apriilimut tusarniaassutigineqarmat, sanaartornissamut suliniutip aallartilluareernerani avatangiisinut naalakkersuisoqarfik ASN-imut nassuiaammi erseqqissaasoqarnissaanik kissaateqarsimavoq.
- Kingullermik saqqummiussisoqarnerata kingorna avatangiisinut naalakkersuisoqarfiup nammineerluni nassuiaat naammassineqartoq apeqquserpaa. Qinngutta saavani avatangiisinut sunniinermut aamma qaartartunik atuinermut tungnasunik, suliniummi pisortaq, Sermitsiaq.AG-mut ilisimatitsivoq.
Piumasaqaatit allanngunngitsut
- Suliniummut piumasaqaatini imatut allanngortoqanngilaq, kisianni suliniummi piffiit qaartiteriffiusussat aamma ujaqqanik qaartinneqarsimasunik pisariaqartitsineq erseqqissaaffigineqarput, tamannalu nipiliornermut tunngatillugu ASN-imut nassuiaammi erseqqissarneqarneranik kinguneqarpoq. Nipiliortoqarnissaa ataatsimut isigalugu nutaami allannguuteqanngilaq, Aviaaja Karlshøj Knudsen naqissusiivoq.
ASN-imut nassuiaat nutaaq erseqqinnerusoq tusarniaassutigineqarnissaa Kalaallit Airportsimut tupaallaataasimavoq.
- Nutaamik tamanut tusarniaasoqarnissaanik piumasaqaat 08.11.2018 naalakkersuisoqarfiup allagaqarneratigut aatsaat paasivarput, sanaartornissamut annertuumi suliniummi pisortaq ilisimatitsivoq.
Ammalluinnartumik
Avatangiisinut naalakkersuisoqarfimmi pisortap Mette Skarregaard Pedersenip Sermitsiaq.AG-mut ilisimatitsissutigaa, nassuiaatip nutaap tusarniaassutigineqarnera, nipiliornermut akornusersuinermut tunngatillugu allanngortoqarsimaneranik tunngaveqartoq. Tamanna tunngavigalugu kingunissai tamanut ammasunik paasissutissiissutigineqarnissai naalakkersuisoqarfiup kissaatigaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...