Ilulissani ujajaasoq: Angut una nalunngiliuk?

Assit angutip Ilulissani pisiniarfimmi Nivimi oktobarip 20-ani ujajaasup assigi, Ilulissani politiit maanna saqqummiuppaat. Ilulissani politiit uunga attavigineqarsinnaapput 701422

Ilulissat Politi pisiniarfimmi Nivimi kiinarpaqarluni ujajaasoqarsimaneranik oktobarip 20-ani 2018 nalunaarfigineqarput.

Ilisimannittunik apersuinerit aammalu pinerluffimmi misissuinerit
pinerluttuusimasumik kinaassusersinermik kinguneqarsimanngillat.

Ujajaasoqareernerata kingorna politiit tusagassiutinut nalunaaruteqarput, ilisimannittunik imaluunniit suliamut arlaatigut ilisimasaqarsinnaasunik aammalu ujajaasimasumik ilisimasaqartoqarsinnaaneranik ujartuinermik imalimmik.

Assit saqqummiunneqarput

Maannakkumut suli saaffiginninnernik suliap qulakkeerlugu naammassineqarsinnaaneranut ilisimasaqartunik tusangaqarsimanngimmata, Ilulissani politiit aalajangerput ujajaasup assiginik saqqummiussissallutik. Assit pisiniarfimmi Nivimi ujajaasoqarnerani assilisaapput.

Pinerluttup ilisarnaatai ima allanneqarsimapput:

  • Angut kalaaleq, ukiui ilisimaneqanngillat, 175-180 cm missaanik angissusilik. Kavaajaqarpoq qernertumik, taartunik ilisimaneqanngittumik meqqilimmik qarlilik, kamiit qernertut skuut, taske qernertoq qaqortunik allannertalik aammalu isarussat. Aammattaaq taartumik qaqortumillu qalipaatilimmik atuagaasiveqarpoq.

Pinerluttup kinaasinnaaneranik ilisimasaqaruit, taava Ilulissani Politiit oqarasuaatikkut 701422-mut saaffigikkit.

Powered by Labrador CMS