Mittarfiliortitertoqassasoq aalajangiunneqarpoq

Inatsisartuni amerlanerussuteqartut mittarfiliortitertoqarnissaa aalajangerpaat

Mittarfiliortiternissat isumaqatigiissutigineqarput. Sammineqartoq Inatsisartuni akunnerni tallimani oqallisaareersoq amerlanerussuteqartut, Siumut, Atassut, Nunatta Qitornai aamma Demokraatit mittarfiliornissamut isumaqatigiissut amerlanerussuteqarlutik aalajangiuppaat.

18-it isumaqataallutik taasipput, qulingiluat akerliullutik kiisalu marluk taaseqataanatik.

Taamaasilluni Nuummi Ilulissanilu 2.200 meterinik mittarfiit tallilerneqarsinnaalerput, Qaqortumi 1.500 meterinik mittarfittaarsinnaalersoq.

Taamatut aalajangiisoqarneratigut Naalakkersuisut Danmarkimik aamma USA-mik isumaqatigiissut, Ilulissani Nuummilu mittarfiit tallineqarnissaannik isumaqatigiissut, aamma atsiorsinnaanngorpaat.

Oqallisigineqartoq paaseqatigiiffiunerusumik oqallinneruvoq. Aningaasaqarnermut naalakkersuisup Vittus Qujaukitsup oqallinnerup naammassilernerani oqariartuutigaa, inatsisissap naggataarutaasumik suliarineqarnerani illuatungiliuttut suleqatigilluarneqassasut.

Powered by Labrador CMS