Pissaanermut aqqut anguterpaluttuuniarfiuvoq
Inuit Ataqatigiit angummik siulittaasortaassagunik partiinik allanik naalakkersuisooqateqarsinnaanerat qaninnerulissasoq, malinnaasut inatsisartoqarnermut qanimut attuumassuteqartut oqaatigaat
Inatsisartoqarfimmi anguterpaluttuuniarneq suli atuuttorujussuuvoq, IA-mi siulittaasuusimasoq Aqqaluk Lynge taama naliliivoq.
AG taama allaaserisaqarpoq.
Nunatsinni naalakkersuinikkut akisussaaffiup qullersap akisussaaffigilernissaanut tamatuma Inuit Ataqatigiit aporfeqatissimagai, taanna isumaqarpoq.
- Sara Olsvig Naalakkersuisut siulittaasussaattut piukkunnarlunnaraluarpoq imaluunniit Naalakkersuisuni pingaarutilimmik inissisimanissamut piukkunnaraluarluni. Ilinniarluarsimasuuvoq isummani tunngavilersorluakkat saqqummiutsinnagit misissuilluaqqaartarluni. Immaqa ilaasa tusassallugu nuannarinavianngikkaluaraat taamaattoq isumaqarpunga arnaanini pissutigalugu annerusumik sunniuteqartitaasimanngitsoq. Inatsisartuni pissaanermik aqutsisut angutaanerupput arnat ilinniarluarsimasut pitsaanerusunik tunngavilersuinerannik akuersaartuunngitsut, siornatigut Naalakkersuisuni Inatsisartunilu ilaasortaq Aqqaluk Lynge arlaleriarluni pissaanermik tigummisut akornanniittarsimasoq oqarpoq.
Siornatigut IA-mi siulittaasuusimasoq alla, Josef 'Tuusi' Motzfeldt, suiaassuseq aalajangiisuuallaanngitsoq isumaqarpoq.
Taakku marluk siulittaasuusimasut partiip inissisimaneranik naliliinerat AG-mi saqqummertumi kingullermi atuarsinnaavatit, uani ataani linki atorlugu isissutissarsisinnaavutit: