Gå til hovedindhold

Benziinamut akiliut pillugu suliami kukkunersiuisoq akisussaassuseqarnermik ujartuivoq

Kukkunersiuisoq pisortanit akuerisaq Bo Colbe Deloittemeersoq, Naalakkersuisup Doris J. Jensenip benziinamut akiliutaanik atornerluinermut qulaajaasoq, pingasunik innersuussuteqarpoq, taakkunannga marluk Doris J. Jensenip peqqissaanngitsumik benziinamut akiliummik kodemillu atuineranut toqqaannartumik tikkuussipput.

Doris J. Jensenip benziinamut akiliutaata atornerlunneqarnerata qulaajarneqarnerani nalunaarusiami atuarneqarsinnaavoq, Doris J. Jensenip akiliut biilimiitissimagaa, tassanilu aamma akiliummut kodi nassaassaalluni.

7.000 koruunit nalinginut atornerluineq uppernarsaatilik

Taamaaliornikkut inuup ‘’inoqutigiinneersuunngitsup’’ akiliut qaammatini arlalissuarni atornerlussinnaasimavaa, angallat benziinamik minnerpaamik 6.855,45 koruunit nalinginut orsersimallugu.

Qaammatini qulingiluani benziinamut akiliut 91-eriarlugu atorneqarpoq, naak aamma biili 60 liiteriinnarnik orserneqarsinnaagaluartoq arlaleriarluni 75 liiterinik orsiisoqartarsimavoq.

- Orsernermut akiliutip akitsuutinit aningaasalersorneqartup qulaani oqaatigineqartutut toqqorsinermut aamma atuinermut sanilliullugu ileqqaarnerullunilu akisussaassuseqarnerusumik pisoqartariaqartoq, ataatsimut isigalugu innersuussutigineqarpoq, Bo Colbe allappoq.

Illersorsinnaasumik toqqorsineq

Tamatuma saniatigut, ‘’orsernermut akiliut tunniunneqartoq aamma kodia illersorneqarsinnaasumik toqqorneqarnissaat, taamaalilluni eqqunngitsumik atuisoqannginniassammat’’, taassuma innersuutigaa.

Nalunaarusiami innersuussutit pingajuat, naalakkersuisoqarfimmi pisortamut Lone N. Møllerimut novembarip 18-anni 2017-imi nassiunneqartoq ima allaqqavoq:

Sinaakkutit isumaliutersuutigineqartariaqarput

- Tamatuma saniatigut orsernermut akiliutip atorneqarneranut sinaakkutinik aalajangersaasoqarnissaa isumaliutersuutaasinnaavoq – Naalakkersuisunut akiliutit allat atukkiunneqartartut aalangersarneqartarnerat assigalugu.

Benziinamut akiliut pillugu paasisaqarit – una tooruk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER