Atuakkap iluatsittup naqiterititsisartoq unammilligassaqartippaa

- Siornatigut misigisimanngilarput kisianni ilumut uagutsinnut ineriartorfiuvoq, atuakkanik saqqummersitsisartoq oqarpoq.

Forfatter Niviaq Korneliussen og hendes forlægger Lene Therkildsen glæder sig over den litterære succes med bogen "Homo Sapienne"

Atuakkiortup Niviaq Korneliussenip taassumalu saqqummersitsisartuata Lene Therkildsenip nuannaarutigaat, siullertut atuakkiarineqartoq ”Homo Sapienne” nunani allani annermik eqqumaffigineqalermat.

Aviisi AG taama allaaserisaqarpoq.

Ukiup affaani tulliuttumi inuusuttut asanninnerat pillugu atuakkiaq pitsaasumik nalilersorneqarsimasoq,oqaatsit assigiinngitsut atorlugit saqqummersinneqassaaq, taakkununnga ilanngullugit tuluit oqaasii atorlugit USA-mi aamma Tuluit Naalagaaffianni atuakkanik saqqummersivitsivinnit assigiinngitsunit marlunnit.

Amerikamiut saqqummersitsiviata Grove Atlanticip, januaarimi 2019 atuakkiaq ”Last Night in Nuuk” taallugu, atuakkatut akikitsutut saqqummersissavaa, tuluit saqqummersitsisarfiata Viragop atuagaq ungalulerlugu saqqummersissagaa. Ukioq manna novembarimi atuagaq taaguuserlugu ”Crimson” saqqummersinneqassaaq, isumaqartoq qalipaat aappallorissoq, taanna atuakkami kapitalit siulliannut ”Crimson and Clover”-imut aamma innersuussutaavoq.

Niviaq Korneliussenip atuakkiaa ukiut sisamat matuma siorna oktobarimi 2014-imi kalaallisut qallunaatullu saqqummersoq, manna tikillugu oqaatsinut pingasunut nutserneqarsimavoq: Islandimiusut, tyskisut aamma franskisut.

Iluatsitsinerup malitsigisaanik unammilligassat pillugit aviisi AG-mi paasisaqarfigikkit, taanna uani ataani linki aqqutigalugu isissutissarsiffigisinnaavat:

Powered by Labrador CMS