Arsaannermi GM: Semifinalemi inissaq ataaseq suli unammissutigineqartoq

Pulje A-mi semifinalernissamut inissaq ataaseq suli unammissutigineqarpoq. Iligiit pingasut pingasunngornermi semifinalernissartik qulakkeerpaat

Ullumi sisamanngornermi angutit isikkammik arsaallutik pissartanngorniunneranni, unamminerit marluk pissanganartut utaqqipput, Pulje A-mi iligiit marluk semifinalemut anngunnissaminnut periarfissaqarput.

UB-83 Upernavimmeersut 6 pointinnaqqapput, måliisalu nikingassusaa +5-iulluni, NÛK Nuummeersut aamma 6 pointinnaqqapput, måliisalu nikingassusaat +1-iulluni.

UB-83 ajugaaffigineqanngitsumut Nagdlunguamut Ilulissaneersunut ajugaasinnaagunik, semifinalimut anngunnissaat qanittuararsuusinnaaneranik tamanna isumaqarpoq. Kisianni aamma NÛK aatsaat Kagssagssummut pingasunik pointinnassimasunut ajorsaqqaartariaqassaaq.

NÛK ullumi unamminermi Kagssagssummut ajugaassaguni, UB-83-ilu Nagdlunguamut ajorsarluni, taava NÛK semifinalimut anngutissaaq.

Puljep aappaani, Nuummeersut B-67 aamma IT-79 pingasunngornermi semifinalernissartik qulakkeerpaat. B-67 qularnaatsumik Qaqortormiunut K-1933-mut 5-0-mik ajugaagami, aamma IT-79 qularnaatsumik 8-1-mik Eqaluk 54-imut Tasiusameersunut ajugaagami. Nagdlunguak' Pulje A-mi semifinalertussani anngutereerpoq.

UB-83 aamma Nagdlunguak' nalunaaqutaq 13.30 unammissapput aamma NÛK - Kagssagssuk nalunaaqutaq 17.30 unammissallutik.

Pingasunngornermi unamminerit:

Pulje A:

  • UB-83 - Kagssagssuk: 3 – 0
  • Kugsak 45 - Nagdlunguak': 1 – 13

Pulje B:

  • B-67 - K-33: 5 – 0
  • IT-79 - Eqaluk 54: 8 – 1

Sisamanngornermi unamminerit:

Pulje A:

  • Nal. 13.30: UB-83 - Nagdlunguak'
  • Nal. 17.30: NÛK - Kagssagssuk

Pulje B:

  • Nal. 15.30: G-44 – K-1933
  • Nal. 19.30: B-67 – Eqaluk 54

Angusat:

Powered by Labrador CMS