Gå til hovedindhold

Upalungaarsimasut qimagussuititsisinnaanissamut piareersartut

Avannaata Kommuniani upalungaarsimasut Innaarsuit saavanni iluliarsuaq ikkarlissimasoq nakkutigaat. Nunaqarfimmiut qimagussuititsinissamut pilersaarutinik ilisimatinneqarsimapput.

Avannaata Kommuniani upalungaarsimasuutitat Innaarsuit saavanni iluliarsuaq ikkarlissimasoq pillugu ippassaq unnukkut ilisimatinneqarsimapput. Tamatumalu kingorna upalungaarsimanissaq pilersaarusiorneqalersimavoq.

- Iluliarsuaq sequmissangaluarpat malerujussuarnik pilersitsisussaavoq, taamaammat aarlerinartorsiortitsivoq, taama Avannaata Kommuniani upalungaarsimanermut pisortaangallartoq, Amos Pjetturson Sermitsiaq.AG-mut oqarpoq. Taanna Uummannamut uteqqammerpoq.

Upalungaarsimasuutitat pisoq malinnaavigeqqissaarpaat illullu immamut qaninnermiittut inuisa qimagussortinnissaat piareersimaffigalugit.

LÆS OGSÅ: Iluliarujussuup nunaqarfik navianartorsiortikkaa

Pisortaangallartup suleqataasa ilaat Innaarsummiunut attaveqarsimavoq iluliarsuaq nakkutigequllugu.

- Iluliarsuaq suup tungaanut avalannersoq aamma qanoq pisoqarnersoq ilisimasussaavarput, Amos Pjetturson oqarpoq.

Upalungaarsimasuutitat Innaarsunni innuttaasunut attaveqarsimapput, soorlu aamma nunaqarfinni qanittuini innuttaasut attavigineqarsimasut, taakkua aamma malerujussuaqassangaluarpat eqqorneqarsinnaammata.

- Ilisimatitsinikuuvugut sumik arlaannik pisoqaraluarpat inuit qanoq iliussanersut.

Innaarsunni 169-inik innuttaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER