Gå til hovedindhold

Løkke Trumpimut: Qallunaat illersornissaat aningaasatigut uuttortarneqassanngilaq

Qallunaat Nunaata BNP-imi 2 procentiata nalinganut illersornissamut aningaasaliissuteqartalissasoq neriorsuutigisinnaanngilaa. Løkke taama ersaritsigisumik Trumpimut oqariartuuteqarsimavoq.

Ministeriunerup, Lars Løkke Rasmussenip, (V) amerikamiut præsidentiat, Donald Trump, neriorsorsimanngilaa Qallunaat Nunaata illersornissaminut aningaasaliissutissani Qallunaat Nunaata BNP-ata 2 procentiata nalinganut qaffakkumaarai.

Aningaasammi isumaqarnerpaajunngillat, taama oqariartuuteqarpoq.

- Ersarissumik erseqqissaatigivara qallunaat isumaat naapertorlugu illersoqatigiinnissamut peqataasarnermut qallunaat aningaasartuutaat naapertorlugu uuttorneqarsinnaanngitsoq, Lars Løkke Rasmussen oqarpoq.

Ministeriuneq naapertorlugu unammissutigineqartariaqanngilaq kikkut illersornissamut aningaasanik atuinerpaajunersut, kisiannili aningaasat qanoq atorneqarnersut.

Ministeriunerullu erseqqissaatigivaa Qallunaat Nunaat Afghanistanimi amerikamiutulli sakkutuuminik annaasaqarsimatigisoq.

- Amerikamiut præsidentianut oqaatiginikuuara angerlarlunga Afghanistanimi ernerminnik panimminnillu annaasaqarsimasut isaasigut qiviarsinnaassanngikkikka aningaasat qanoq amerlatigisut atorneqarnerat unammissutaassappat, uanilu qanoq atorneqarnera eqqarsaatigineqanngippata, oqarpoq.

Ministeriuneq nunanut allanut ministerimit Anders Samuelsen (LA) tapersersorneqarpoq, taannalu isumaqarpoq Natomi ataatsimiinneq naammasseqqammersoq imaannaasimanngitsoq najummatsisimanarlunilu.

- Ataatsimeeqataaneq sutigut tamatigut soqutiginarsimavoq. Kisianni aamma ajornaatsuinnaasimanngilaq, akerlianillu aamma oqassangaanni ilumoorsinnaanngilaq, nunanut allanut ministeri oqarpoq.

Taassuma naqissuserpaa Qallunaat Nunaat ajornartorsiortoqartillugu ikiuuttartoq, erseqqissaatigalugulu Qallunaat Nunaat maanna Islamisk Stat-imut akiuunnermi naalagaaffit allat 60-it peqatigalugit akuusoq.

Tamannalu pissutigalugu Det Hvide Hus qallunaat pillugit naammagisimaarinnittariaqartoq, Samuelsen isumaqarpoq.

Donald Trumpip nunat Natomi ilaasortaasut sakkortuumik pissuseqarluni nunaminni illersornissamut nunamik bnp-ata 2 procentianut siunissami aningaasaliisariaqartut piumasaqaraluarpoq.

Kisianni Lars Løkke Rasmussen naapertorlugu tamanna piviusorsiunngilaq.

- Puigortariaqanngilarput sooq maaniinnerluta, Lars Løkke Rasmussen oqarpoq.

- Imaanngilarlu amerikamiut iluaquserniarigut.

Qallunaat Illersornissaqarfimmut ukiuni tallimani tulliuttuni 12,8 milliarder koruuninik aningaasaliiniarput.

Taamaalilluluni tallimaaraarterutaanik qaffaaniarput, kisianni qaffaaneq taanna 2023-mi bnp-ip taamaallaat 1,3 procenterissavaa.

Qallunaat amerikamiut piumasaannut naammassinninngikkaluartut præsidenti Tuluit Nunaannut unnugu qungujulalluni ingerlaqqissasoq Løkke oqarpoq.

Uanimi Donald Trumpip ilaatigut tuluit ministeriunerat Theresa May, aamma Natomi ataatsimeeqataasoq, naapissammagu.

- Nuannaarutigaara amerikamiut præsidentiata Natomi ataatsimiinneq qimalerlugu misigisimalluni Natomi ataatsimiittarnerit pitsaanersarigaat.

- Nuannaarnaarmammi aamma uagut nuannaarpugut, Lars Løkke Rasmussen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER