Gå til hovedindhold

Aningaasaateqarfimmik pilersitsinissaq neriorsuutigineqanngilaq

Erninerup kingorna suliffinngeqarnermi atugassarititaasut pillugit Anthon Frederiksenip GE aamma SIK oqaloqatiginiarpai.

IA-p Inatsisartuni gruppiata siulittaasuata, Múte Bourup Egedep, paaserusuppaa Naalakkersuisut sulisartut sulisitsisullu peqatigalugit erninerup kingorna sulinngiffeqarnermut aningaasaateqarfimmik pilersitsinissamut pilersaaruteqarnersut.

Kisianni inunnik isumaginninnermut naalakkersuisup, Partii Naleqqameersup Anthon Frederiksenip, §37 naapertorlugu apeqqummut akissuteqarnermini neriorsuutigeqarusunngitsoq atuarneqarsinnaavoq.

Kisinni apeqqut qaqikkusuppaa.

- Sulisitsisut SIK-lu aasap kingorna ataatsimeeqateqatiginissaat pilersaarutigaara, tassani isumaginninnermi suliassaqarfik eqqartorumallugu kiisalu taakku suut suliniuteqarfigisariaqarnersutut isigineraat tusarusullugu. Tassunga atatillugu erninermut atatillugu pissutsit qanoq pitsanngorsarneqarsinnaanersut eqqartorneqarumaarput, Anthon Frederiksen allappoq.

- Naalakkersuisooqatigiinnissamik isumaqatigiissummi takuneqarsinnaavoq ilaqutariinnut pissutsit pitsanngortinneqarnissaat Naalakkersuisut pimoorullugu pilersaarutigigaat, matumani erninermut atatillugu pissutsit ilanngullugit.

- Taamaammat erninermut atatillugu suliassaqarfimmi periarfissat unammilligassallu assigiinngitsut pillugit misissuinissaq Naalakkersuisunit soqutigineqarpoq.

- Pisariaqartumik pitsanngortitsinissat aningaasaqarnerup periarfissiinera malillugu pilersinneqassammata naluneqanngitsutut pingaaruteqarpoq, taamatuttaaq pingaaruteqarpoq ataatsimut aningaasaqarnitsinnut aningaasaqarnermut akisussaassusermik takutitsinissaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER