Gå til hovedindhold

Silasiortut uppernarsaapput: Aasaq nillertuuvoq

Kitaani nillertoq kangianilu isugutasoq. Maannamut aasaq taamaakkallarpoq. Neriuutissaqalaarpugulli.

Silasiortunit maanna uppernarsarneqarpoq 2018-ip aasaa kiappallaarsimanngitsoq.

Nunattami annersaani maajimi aamma juunimi pisarnermit nillernerusimavoq. Taamaallaat Nunatta kangiani kissassuseq pisarnermut qaninnerusimavoq – taamaattorli aamma pisarnermit annertunerusumik siallertarsimalluni. Taama DMI nittartakkamini allappoq.

Tamatuma saniatigut ikinngutit ilisarisimasallu Danmarkimiittut allattarput pisarnermit piffissaq manna kiannerusoq. Tamannalu aamma nassuiaatissaqarpoq.

- Maajip aallartinnerata missaaniilli silaannaap ingerlaartarnera nikerarpallaanngilaq, naqitsiniisaffiillu kitaanit aggersut Danmarksstrædet-ikkoortarsimanngikkunik Europap kujataatigooqqaartarsimapput, DMI allappoq.

- Silaannaap ingerlaarfiata nikerarpallaarsimannginera Danmarksstrædet-ikkullu naqitsiniisaffeqarsimanerata kinguneranik Tunumi pisarnermit siallertitsinerusimavoq. Danmarkshavn maajimi 1949-imiilli aatsaat taama siallertigisimavoq. Maajimi sialuk 35,6 mm nakkarsimammat, juunimilu Station Nord 1961-miit siallerfiunerpaasimasut tulleraat, tassa sialuk 32,2 mm nakkarsimammat.

Neriuutissaqalaarpugut

Kitaani nillertutut misiginarsimaneranut sermersuarmi nillersimanera sanilliunneqarsinnaanngilaq. Summit-imimi maajip qulingiluaani 46,5-mik ississimammat. Tamannalu rekordiliineruvoq.

Tamattalu piffissaanngitsumi ukiuunerani taarsiortutut nikallulinnginnitsinni ilisimatitsissutigisinnaavarput silasiortunit ilimasaarutigineqarmat tuttunniarnerup nalaani silagissiornerunissarput.

- Siumut naatsuutit misissuataarutsigit Europap avannaanni Nunatta kujataani kitaanilu naqitsiiniisaffeqarneqarnerit suli taamaakkallassasut ilimanarpoq, kisianni juulip naalernerani Nunatsinni aasarpalaarnerusumik silassaqartugut naatsorsuutit ilimasaarutigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER