Pinnginnerani siunnersuutit pitsaasut: Tillinniaq mianersorfigiuk

Umiatsiannut sillimmasiissutit misissukkit tillinniarfigineqarnissarlu pinngitsoortinniarlugu sillimaniarnissamut iliuusissat eqqortut suliarikkit

Umiatsianit nuannaariutinit tillinniartarnerit ukiuni kingullerni ikileriarsimagaluartut umiatsiaatilinnut nerisassanik, sodavandinik, aallaasinik, qinngutinik allarpassuarnillu tillinniarfi gineqartarneq eqqarsaatigalugu suli akiorniagassaqarpoq. Nuannaariutinut umiatsialivinni pingaartumik sapaatip-akunnerisa naanerini unnuakkullu tillinnartoqartarpoq. Taamaattumik umiatsiaatillit kajumissaarneqarput angalareernerminni umiatsiaminnik misissuilluartaqqullugit pigisanillu ikkusimanngitsunik angerlaassisaqqullugit.

Sillimmasiisarfimmi Kalaallit Forsikringimi pisortaq Dora Drechsel erseqqissaalluni oqarpoq, sillimmasiissutit qanoq matussusiisarnerat assigiinngissuteqartoq, atortut umiatsiami ikkusimasut pigisalluunniit nassarneqarsimasut pineqarnersut apeqqutaatillugu.

Paarnaaqqasumiititsinissat eqqaamajuk

– Pigisat umiatsiamut ilaasutut isigineqartut soorlu ikkunneqarsimasut, annanniutit qinngutillu assigiinngissuteqarputn. Umiatsiamiittut sillimmasiissutinit matussuserneqarsinnaassappata matup parnaarsaatilluunniit aserorneqarsimaneranut takussutissaqartariaqarpoq. Pigisat angalaarnissamut nassarneqarsimasut soorlu atisat, aallaasit radiullu angallattakkat pi neqar simappata, taava taakkua matussuserneqarsinnaassappata immikkut sillimmaserneqarsimasariaqarput. Tassa imaappoq taama pisoqaratarsinnaanera umiatsiamik sillimmasiinermi ilanngunneqarsinnaavoq. Tillinniarneq sillimmasiissutinit matussuserneqarsinnaassappat pigisat ikkusimasuunngitsut tamakkua umiatsiap initaani sikaavimmiluunniit parnaaqqasumiinnissaat oqaatigissallugu pingaaruteqarpoq. Umiatsiaq parnaartartumik initaqanngippat sikaaveqanngippalluunniit pigisat angalareernermi angerlaanneqartarnissaat siunnersuutigineqarpoq. Umiatsiaaqqami ammaannartumi pigisanut ilitsivigineqarsinnaasumik parnaartartumik ikkusimasumillu karsiuteqarnissaq imaluunniit angalareernermi angerlaassisarnissaq siunnersuutigineqarpoq.

Tillinniarnerup pinnginnerani siunnersuutitsialaat 13-t

  1. Umiatsiaq umiarsualivimmut taartumut avinngarussimasumullu qimannaveersaaruk. Umiarsualivik qullilersorluagaasoq tillinniarfi giuminaannerusarpoq.

  2. Umiatsiat pituttarfimmut kædenik qajannaatsunik parnaarlugu inissittaruk. Kædet marluk ataasiinnarmit pitsaanerupput.

  3. Aquuteralak parnaarsaaseruk. Anngajaamik aquuteralaqaruit immikkut ittumik parnaarsaaseruk. Aquuteralak aallartinneqarsinnaajunnaarlugu aamma motoorip atortua pingaarutilik peersinnaavat. Motoorip peernissaata ajornakusoornerulersinnissaa aamma pineqarpoq. Aquuteralaat mikisut angerlaattariaqarpatit.

  4. Motoorip aallartinnissaa ajornarnerulersiguk. Aallartitaammut assiaqutip umiatsiap aallarunneqarnissaa ajornarnerulersissavaa.

  5. Motoorip atortuanik pingaarutilimmik piigaqarsinnaavutit, motoori aallartinneqarsinnaajunnaarlugu.

  6. Aquut nikinnaveerlugu parnaaruk. Aquutit/ipittaat sangutillugu parnaaruk, angallat kalinneqarsinnaajunnaarlugu. Kædemik sisammik wiremilluunniit parnaarsaaseruk. Ajornanngippat parnaarsaatit assersuutigalugu sillimmasiisarfinnit akuerisaasut atukkit.

  7. Tissiartaammik angallataateqaruit atortut pingaarutillit parnaartakkit, tingerlaat amuneqarsinnaajunnaarlugu.

  8. Angallatit ersitsumik aamma/imaluunniit ersinngitsumik ilisarnaaseruk. Angallat politiinit ajornannginnerusumik ilisarineqarsinnaassaaq tillinniamullu tuniuminaannerussalluni.

  9. Atortut elektroniskiusut ilisarnaasikkit. Atortut tillinniamut tuniuminaannerulissapput.

  10. Piffi ssami angallaffi usumi sivisujaamik aallaqqasimassaguit nalunaaqu amik nammineerluni ikittartumik/qamittartumik qulllernik ikitsissutaasartumik umiatsiap initaanut ikkussineq isumassarsiatsialaasinnaavoq. Aallaqqasussanngoruit sanilivit tamatuminnga ilisimatinnissaa aamma eqqaamajuk.

  11. Atortut saqqumiinnartut tilliniamut ussernartorsiortitsisarput. Atortut nalillit soorlu annanniutit, sialussiutit, amoorutit tigummivii allunaasaqutillu allallu ikkusimanngitsut illerfiusamut issiaviusartumut parnaartartumut assigisaannulluunniit inissisinnaavatit. Umiatsiaq sivisujaamik qimassimasussaatillugu tamatigut pigisanik imaartaruk.

  12. Umiatsiaq motoorilu ajornanngippat GPS-trackerimik atortulikkit.

  13. Umiatsiamut kalittaammik traileriuteqaruit parnaarsaat CE-lås akuerisaasoq atoruk.

Najoqqutaq: stopindbrud.dk

Immikkut ilanngussaq Motoori akeqanngitsumik tamaat atuaruk – una tooruk
Ilaatigut uku atuakkit:

  • Biilit mingutsitsinngitsut siuariartupiloortut
  • Angalatitsisartoq siuariartortoq
  • Norge mingutsitsinngitsunik biileqarnikkut siuttuusoq
Powered by Labrador CMS