Jackpot: Tasiilameersoq millioninik eqquisoq
Tasiilami innuttaasoq Eurojackpotimi 5 millionit koruunit sinnerlugit iluatsitsilluni eqquisut ilaanniippoq.
Annonse
Iluatsitsisup kupon Tasiilami Pilersuisumi pisiarisimagaa, Danske Spil ilisimatitsivoq, taakku suli eqquisumit tusagaqarsimanngillat.
Immikkut ittumik sapaatip-akunneri sisamassaannik Eurojackpotimi eqqugassat pingaarnerit tallimanngornermi eqqorneqanngillat, taakku eqqugassat annerpaartaat sapaatip-akunneri tallimassaannik ingerlateqqinneqassapput.
Taamaakkaluartoq lottortut amerlasuut makitsinerup kingorna nuannaarput.
Eqquisut 28-t
Europameersut 28-ersuit tallimanik eqquillutillu ataatsimik stjernetalimik eqquisimapput, taamaalillutillu eqqugassat annerit tullii 145 millionit koruunit avippaat.
Kalaallit Nunaanni Eurojackpotertup 5.438.777 koruuninik eqquineranik tamanna kinguneqarpoq, Danske spil taama ilisimatitsivoq.