Gå til hovedindhold

Assilialiortartumut Aka Høeghimut nersornaatitsialak

Jacob Letterstedtsip Nunani Avannarlerni nersornaasiuttagaa siullermeerluni kalaallimut eqqumiitsuliortumut tunniunneqarpoq.

Jacob Letterstedtsip Nunani Avannarlerni nersornaasiuttagaa siullermeerluni kalaallimut eqqumiitsuliortumut tunniunneqarpoq.

Nunani Avannarlerni suleqatigiinnerup siuarsarnissaanik annertuumik suliaqarnermut nersornaataavoq, Letterstedska Foreningen tusagassiuutinut nalunaarummi ilisimatitsivoq.

- Aka Høegh ukiorpassuarni Kalaallit Nunaanni Danmarkimilu assilialiortartuuvoq. Taassuma suliani allaat Finlandimi, Islandimi, Norgemi aamma Sverigemi saqqummersittarsimavai. Taanna kinguaariinnit kalaallit eqqumiitsuliortuini siuttutut isigineqartarpoq, peqatigiiffiup siulersuisuunerisa nersornaasiinerannut pissutaasoq tamanna oqaatigineqarpoq. 

Inuuissiorlun apersorneqartoq

Aka Høegh siorna deembarimi 70-nik ukioqalerpoq, tassungalu atatillugu AG-mi apersorneqarnermini ima oqarpoq:

- Naammaginnilersinnaanngilanga. Kisianni imaasinnaavoq ullut arlaanni torrallaasunga. Neriuppunga 90-liitinnanga tamanna piumaartoq, taanna AG-mut oqarpoq.

Letterstedska Foreningen 1875-mili Nunat Avannarliit tallimaasut akornanni ilisimatuussutsikkut, eqqumiitsuliornikkut aamma suliffissuaqarnikkut suleqatigiinnerup siuarsarneqarnissaa sulissutigisarpaa.

Peqatigiiffik 1978-imili atuagassiaq Nordisk Tidsskrift ilisimatusarnermut, eqqumiitsuliornermut aamma suliffissuaqarnermut tunngasoq saqqummersittarpaa.

Aka Høeghip nersornaat aasap ingerlanerani pissarsiarissavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER