Gå til hovedindhold

PN: Sinerissami palasit illui pitsaanerulertariaqarput

Isorliunerusuni nunaqarfinnilu suliffinnut illut tunngasut ajornartorsiuterujussuanngorsimasoq aaqqiiviginiartariaqartoq Partii Naleqqamit Jens Napaattooq isumaqarpoq

- Isumaqarpunga sineriassuatsinni palasit pingasuinnaat amigaataanngitsut nunaqarfippassuaqarpugummi aamma ilinniarsimasunik palasinik pisariaqartitsigaluartunik. Taamaammat aarleqquteqarnera pissusissamisoormat kaammattuineq aqqutissiuinerlu annertunerusariaqartoq isumaqarfiginarpoq.

Partii Naleqqamit Inatsisartuni ilaasortaq Jens Napaattooq tusagassiutinut nalunaarummi aallappoq.

Ittoqqortoormiini ukiut qulit sinnerlugit palasissarsiortaraluarneq aammalu Upernavimmi ukioq ataasinngortoq palaseqannginnerani palasissaaleqinerinnarmik tunngaveqartuusoq isumaqarsorinanngitsoq isumaqarpoq.

- Ajornartorsiutaasut annersaaraat palasit illui ima aserfallassimatigilersimammata allaat najorneqa-rumajunnaarlutik inissisimalersimasut, tassalu oqoqanngikkunik oqorsagaanerat ullutsinnut naleq-qukkunnaavissimanerat peqqutigalugu kajungernarunnaavissorsimammata taamatut killiffeqarnerup ilagigaa.

- Upernavimmi palasitaartaraluarpugut, palasillu illua allaffiutigaluni inissisimasoq ima aserfallatsaalineqarsimanngitsigaaq allaat najorneqarumanani. palasinngortut inissarsiorataraluarlutik initaarsinnaanginnamik allaqqittariaqartartut. Upernavimmi palasit illuat nutartertariaqarluinnarpoq imaluunniit nutaamik taarsertariaqarpoq, Jens Napaattooq allappoq.

Sinerissami siliffinnut illut taamaattumik iliuuseqarfigineqartariaqalersut isumaqarpoq.

- Sineriassuatsinni ingammik isorliunerusuni nunaqarfinnilu suliffinnut illut tunngasut amigaataaneri annertoorujussuuginnarani aammalu aserfallalluinnarneri ajornartorsiuterujussuanngorsimasoq aaqqiiviginiartariaqarpoq. Pissutsit taamaannerat isiginngitsuusaarneqaannarsinnaanngilaq qanoq iliuuseqartoqartariaqalerpoq, Jens Napaattoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER