Gå til hovedindhold

Kangilinnguani illut maanna peerneqassapput

Kommuneqarfik Sermersooq Illersornissamullu ministeriaqarfimmi illuutinik aqutsisoqarfik, ataasinngornermi Kangilinnuani illunik piianissamik isumaqatigiissuteqarput

”Halv Tolv”-imi danskit sakkutuuisa kommunillu illuutaat isumaqatigiissummi ilaatinneqarput.

Ukioq kingulleq junimi Naalakkersuisuit Siulittaasuat illersornissamullu ministeri Claus Hjorth Frederiksen, Kangilinnguani saliinissamik isumaqatigiipput. Eqqagassat illullu atorunnaakkat piaarnerpaamik piiarneqarnissaat tassani isumaqatigiissutigineqarsimavoq.

Illersornissamut ministeriaqarfimmi illuutinik aqutsisoqarfik ukiaanerani ukiuuneranilu eqqagassanik ulorianaateqanngitsunik amerlasuunik piiaasimapput. Ukioq manna Kangilinnguit kujammut isuani illut piiarneqassapput, danskit sakkutuuisa kommunillu taakkua atorunnaarsimammatigit. Illut pineqartut qimanneqarsimapput, 2012-mi Grønlands Kommando matuneqarmat.

Suliaq Kommuneqarfik Sermersuumit pilersaarusiorneqarlunilu ingerlanneqassaaq tamannalu kommunip sineriammi nunaqarfinni saliinissaanut ilaatinneqassaaq. Suliamut ilanngullugu kommuni Ivittuuni eqqakkanik saviminernik katersissaaq.

- Pinngortitaq innarlernaveersaarlugu saliineq ingerlanneqassaaq, sumiiffimmi pinngortitap naggorissusaa attatiinnarumarlugu, kommuni tusagassiiutinut nalunaarummi allappoq.

Værnsfælles Forsvarskommando amman Arktisk Kommando ukiup ingerlanerani paaseriarpassuk Kangilinnuani illuut sorliit atoqqinneqarniannginnersut, illunik piiaanissap sinnera pilersaarusiorneqassaaq.

Illersornissamut ministeriaqarfiup Kangilinnguit tamaat peertussaagaluarpaat, kisianni danskit naalakkersuisuisa 2016-imi aalajangiuppaat, sakkutooqarfik amerlanngitsunik inuttalerlugu ammaqqinneqassasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER