Inuussutissarsiutinik ilinniagallit ikileriassapput - amerlanerit ilinniarnertuunngussapput
Nunarput inunnik inuussutissarsiutinik ilinniagalinnik amigaateqalissaaq
Nunarput inuussuttunik inuussutissarsiutinik ilinniagalinnik, inuussutissarsiornermut toqqaannartumik ammaassisartunik amigaateqalissaaq.
AG taama allaaserisaqarpoq.
Ingerlatsivik attuumassuteqanngitsoq, Nunatsinni ilinniarsimassutsip qaffasissusaanik 2040-p tungaanut allaatiginninnissamik Namminersorlutik Oqartussanit suliakkerneqarsimavoq.
– 2040-mi amerlanerujussuit ilinniarnertuunngorniarfimmi ilinniagaqarsimassapput. Tassa ullumikkut 2.000-niit 4.000-nut amerleriarlutik. Akerlianik inuussutissarsiutinik ilinniagallit ikileriassapput. Taamatut ilinniagallit 7.000-niit 5.000-nut ikileriassapput. Ikileriaatit amerlangaatsiarput, Tobias Markeprand Dream-gruppimeersoq Ilisimatusarfimmi saqqummiussinermini oqarpoq.
Ilinniarsimassutsip qaffasissusaata ineriartornera pillugu AG-mi saqqummertumi paasisaqarnerusinnaavutit: