Gå til hovedindhold

Vivian Motzfeldt: Amerlanerusut ilinniartitsisunngorniarfimmi aallartittassapput

Ilinniartitaanermut naalakkersuisoq faginik amigaaatigisanik ilinniarfiusinnaasunik pilersitsiniarpoq, qinnuteqartut piginnaasanik pisariaqartitaminnik pissarsiffigisinnaasaannik

Amerlanerusut ilinniartitsisutut ilinniartalernissaat anguniagaasoq, ilinniartitaanermut naalakkersuisup Vivian Motzfeldtip (S) naqissuserpaa. Ilinnialernissamut piumasaqaatinik Naalakkersuisut appaaniannginnerat pillugu allaaserisatsinnut akissummi taanna allappoq.

- Siumup, Partii Naleqqap, Atassutip aamma Nunatta Qitornaata naalakkersuisooqatigiinnissamik isumaqatigiissutiminni ilinniartitaanermi naalakkersuinikkut anguniagassat allaaseraat, tassanilu nalunaarlugu naalakkersuinikkut anguniagassatigut meeqqat atuarfiata qaffasinnerusumillu ilinniartitaanerit ataqatigiinnerat. Naalakkersuisooqatigiillu, naatsumik oqaatigalugu, anguniarpaat suli amerlanerusut ilinniartitsisunngorniarlutik aallartittalernissaat, taanna allappoq.

- Ilinniartitsisutut ilinniarsimasut amerlanerusut meeqqat atuarfianni pisariaqartinneqarput, taamaattumillu pisariaqarluni suli amerlanerusut ilinniartitsisunngorniarlutik aallartittalernissaannik qulakkeerinninnissaq. Taassuma kingunerisaanik ilinniartitsisunngorniarnerup oqaloqatigineratigut periarfissat arlallit misissorneqassapput. 

Tamannalu ilaatigut ilinniartunut piumasaqaatinik naammassinninnissamut amigaateqalaartunut pikkorissaanikkut pisinnaavoq.

- Naalakkersuisoqarfillu naalakkersuisuuffigisara qinnuigisimavara misissueqqullugu ukiumi ilinniarfiusumi 2018/19-imi ilinniartitsisunngorniarlutik qinnuteqarsinnaasut faginik amigaatigisaminnik ilinniaqqissinnaanerat aallartissinnaanersoq, taamatut iliornikkut qinnuteqartut amerlanerusut piumasaqaatinik naammassinnissinnaaqqullugit.

- Taamaattumik Naalakkersuisoqarfik Ilinniartitsinermillu Ilisimatusarfik oqaloqatigiillutik anguniarpaat ilinniarnertuunngorniarfinni faginik amigaatigisanik ilinniaqqittarnerup periarfissanngortinneqarnissaa, faginillu ilinniaqqinnissamik pisariaqartitsisut qarasaasiat atorlugit e-GUX aqqutigalugu amigaatiminnik pikkorissarsinnaanngussapput taamaalillutillu qinnuteqarsinnaanngussallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER