Aalisarneq: Qaleralinnik tunisisoqarluarpoq
Raajanik, qaleralinnik saarullinnillu tunisineq ukioq kingullermut sanilliullugu tunisisoqarneruvoq
Annonce
Qalerallit ikiliartornersut pillugit oqallittoqarpoq. Tunisinermulli kisitsisit takugaanni qaleralinnik tunisisoqarluartoqarsimavoq. Ukiummi sisamat kingulliit tunisinerit takussagaanni, qaammatini siullerni sisamani aatsaat taamak qaleralinnik tunisisoqarsimavoq.
9.237 tons ukioq manna qalerallit tunisisoqarpoq, ukioq kingulleq ukiup imaalinerani 6.909 tonsiulluni. Naatsorsueqqissaartarfiup kisitsisaataanni tamanna takuneqarsinnaavoq.
Raajanik ukioq manna aamma tunisisoqarluarpoq. 11,4 tonsit pallillugu tunisisoqarpoq, ukioq kingullermit 2.500 tonsinik amerlanerullutik.
Saarulliit 3.542 tonsit ukioq manna tunineqarput, ukioq kingullermit 400 tonsinik amerlanerullutik.