Nuummi suliffissaaleqisut sulileriaannaat taamaallaat 18-iupput
Illoqarfiit pingaarnersaanni suliffissaaleqisut maanna ima ikitsigipput, sulileriaannaat maanna ikitsuaraannanngorsimallutik
Nutaarsiassatsialaangaluarpoq: Nuummi suliffissaaleqisut 1000-t missaanniik 500-t sinneqalaartunut ikileriarsimanerat.
AG taama allappoq.
Ingerlalluarnerli malitseqarpoq; suliffissaaleqisummi 500-t akornanni sulileriaannaat ikitsuararsuupput.
- Februaarip naanerani suliffissaaleqisutut nalunaarsorneqarsimasut 528-upput. Taakku sulisinnaasut 3,9 procenteraat (Nuup nunaqarfii ilanngullugit, aaqq.) Taakkunannga sulilersinnaasut
1-imiittut 18-iupput, tassa sulileriaannaat. Sulilersinnaasut
2-miittut 425-upput, taakku sulisinnaalernissaminnut ikiorneqarnissaminnik pisariaqartitsisuupput. Sinneri (85-it, aaqq.) sulilersinnaasut
3-miinissisimapput, Kista Lynge Høegh, ingerlatsivimmi pisortaagallartoq oqarpoq.
Inuit sulilersinnaasut 3-miittut ima ilungersunartigisunik ajornartorsiuteqarput sulisinnaanatillu sammisaqartitsinertulluunniit neqeroorutinut peqataasinnaanatik.
Inuillu taakku sulisinnaalernissaat anguniarlugu kommuni maanna suliniutimik nukittorsaanialerpoq
Suliniut pillugu allaaserisaq AG-mi kingullermi saqqummertumi atuaruk. Aviisi uani pisiassaavoq: