Gå til hovedindhold

Ataatsimiititaliaq: Naatsorsueqqissaartarfimmi aningaasaqarnermut akissussaaffik ersarluppoq

Naatsorsueqqissaartarfimmi siulersuisut ajunngitsorsiaqartitaalissapput. Taamaakkaluartoq aningaasaqarnermut akisussaffimmik tigummiaqassanngillat

Naatsorsueqqissaartarfimmi siulersuisut tamarmik ajunngitsorsiaqalernissaat, Naalakkersuisut ukiaanerani ataatsimiinnissamut siunnersuutigisimavaat.

Aamma atuaruk: Naatsorsueqqisaartarfimmi siulersuisut ajunngitsorsiaqartinneqaleriasaartut

Siulersuisulli aningaasaqarnermut akisussaaffik tigummiagarinngilaat. Tamannalu Aningaasaqarnermut Akileraartarnermullu ataatsimiititaliap siunnersuummik suliarinnissimasup eqqumiiginartoqartippaa.

- Siulersuisut qulliunerusutut akisussaaffimmik isumaginnittut aningaasaqarniikkut pissutsinut akisussaaffimmik pisussaaffilemeqannginnerat ataatsimiititaliamit eqqumiiginartinneqarpoq, ataatsimiititaliaq isumaliutissiissummi allappoq.

Inatsissasut siunnersuut: Ataasiinnaq akilerneqartussaangaluartoq – massakkut tamarmik akilerneqassapput

Kina akisussaasuuva?

Akissarsiassaqartitsinermut malittarisassat KNR-imi siulersuisuni ilaasortat aaqqissuunneqartarneranut malittarisassamut assigusumik nalimmassarneqarniartut, inatsimmut nassuiaammi Aningaasaqarnermut Akileraartarnermullu Naalakkersuisoq Aqqaluaq B. Egede (IA) allappoq. KNR-imilu siulersuisuni siulittaasoq aningaasaqarnermut pissutsinut akisussaatinneqarpoq.

- Taamaattumik apeqqutaalerpoq Naatsorsueqqissaartarfimmi aningaasaqamikkut akisussaaffik kimit tigummiarneqarnersoq, ataatsimiititaliaq isumaliutissiissummi allappoq. 

Tamatumani aalajangersakkanik maleruaqqusanilluunniit ataatsimiititaliaq nassaarsinnaasimanngilaq. Naatsorsueqqissaartarfiulli ukiumut nalunaarusiaani erserpoq, aningaasaqarnermut pissutsimut akisussaaffik Aningaasaqarnermut Naalakkersuisoqarfimmit akisussaaffigineqartoq. Pisortamillu inuttassarsiuinermi aningaasaqarnermut pissutsinut akisussaaffik atorfinittussamit akisussaaffigineqarnissaa allassimavoq.

Tatiginninneq

Ersarluttoqaraluartorli, suut kimit akisussaaffigineqassanersut Naalakkersuisut ilisimassagaat, Aningaasaqarnermut Akileraartarnermullu ataatsimiititaliap naatsorsuutigaa.

- Naalakkersuisup, siulersuisut aammalu Naatsorsueqqissaartarfimmut ulluinnami aqutsisup akomanni akisussaaffimmik agguataarineq Naalakkersuisunit tamakkiisumik aqunneqartoq ataatsimiititaliamit tutsuigineqarpoq, ataatsimiititaliaq isumaliutissiissummi allappoq.

Inatsimmut nassuiaammi allassimavoq, siulersuisuni siulittaasoq ukiumut amerlanerpaamik 90.000 koruuninik pissarsisinnaasoq siulersuisunilu ilaasortat sinnerit 35.000 koruuninik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER