Gå til hovedindhold

Oqaluffik akitsuusiiniarpoq

Naalagiarnermut attuumassuteqanngitsumik oqaluffiup ''ammasarfiisa'' avataatigut pulaarniaraanni, atuartunut akeqalersinnaavoq.

Tamanna Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup tusarniaassutigisaani atuarneqarsinnaavoq.

Inatsimmik aaqqiinerit
Ilageeqarneq pillugu inatsit arlalitsigut aaqqiivigineqassaaq, kisianni aaqqiinerit saniatigut aamma akitsuutsinut tunngasumik paragrafimik nutaamik ilanngussisoqassaaq.

Ilagiit sinniisoqarfii oqaluffinni naalagiat avataasigut pulaartoqartarnernut aggersarneqarsimatillutik akitsuummik akiliisitsisinnaasut tassani atuarneqarsinnaavoq. 

Atuartut klassit aamma takornariat oqaluffimmik takuniaaniartut assersuutitut taakkartorneqarput, imaluunniit arlaat tusarnaartitsiniaruni imaluunniit assigisaanik oqaluffimmi aaqqissuussiniaruni.

- Akitsuutip annertussusissaa aningaasartuutinut tigussaasumik suliami pineqartunut naapertuuttuussaaq. Taakkua ilaatigut tassaasinnaapput imermut, kiassarnermut, innaallagissamut aamma akissarsianut aningaasartuutit. Akitsuut ilagiit sumiiffimmi pineqartumi sullinneqarnerannut nakkartinneqassaaq. Tamanna isumaqarpoq aningaasat oqaluffinnut pineqartunut tutsinneqassasut, siunnersuummut oqaaseqaatini tamanna allaqqavoq.

Akitsuutip annertussusaa
Inatsit akuerineqassappat, Naalakkersuisut piginnaatinneqassappu malittarisassanik aalajangersaasarnissamut akitsuutit angissusissaannut aamma akiligassiisarnermut atatillugu, taama allaqqavoq.

Pilersaarutit malillugit inatsit juulip aallaqqaataani 2018-imi atuutilissaaq, upernaakkut 2018-imi ataatsimiinnermi akuerineqassaguni. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER