Gå til hovedindhold

Kommuni naqissusiivoq: Qaqortumi ulluunerani paaqqinniffiit matussanngillat

Ulluunerani paaqqinnittarfiit matussanngillat, Kommuni Kujallermi atuarfeqarfinnut paaqqinnittarfinnullu ingerlatsivimmi pisortaq oqarpoq

- Ulluunerani paaqqinnittarfiit aqutsisuisa ilaannit Kommune Kujalleq ilisimatinneqarpoq pilersaarutigineqartoq ”pisuusaartitsilluni” angajoqqaat ilisimatinneqassasut, piffissaligaanngitsumik Qaqortumi ulluunerani paaqqinnittarfiit matoqqatinneqassasut, Kommune Kujallermi perorsaasussaaleq pissutaatinneqarluni.

Kommune Kujallermi atuarfinnut aamma ulluunerani paaqqinnittarfinnut ingerlatsivimmi pisortaq, Jens Korneliussen, tusagassiuutinut nalunaarummini taama aallarniivoq.

Matusisoqarnianngitsoq

- Kommunip tungaanit assut pingaartinneqarpoq, aaqqissuussamik taassuminnga ingerlataqartut inatsitigut unioqqutitsillutik iliuuseqarnermikkut meeqqanut angajoqqaanullu akornusersuutaasumik kinguneqartitsinnginnissaat, taanna allappoq.

Aaqqissuussineq pillugu pilersaaruteqartoqarpoq ulluunerani paaqqinnittarfiit silataanni allagartalersuisoqassamaarluni
piffissaligaanngitsumik matoqqatitsinissaq pillugu angajoqqaanut ilisimatitsissummik nalunaarutitalimmik, taamatuttaaq angajoqqaat immersugassaaannik aaqqissuisut agguaassallutik pilersaaruteqarput, tassani ilaatigut angajoqqaat apersorneqassallutik matoqqatitsineq ulluinarminnut qanoq sunniuteqarnersoq nassuiaaqqusissummik.

- Taamaammat matumunnga ilanngullugu ilisimatitsissutigissavara, ulluunerani paaqqinnittarfiit aqutsisuisa kommunemi aqutsisunut ilisimatitsissutiginikuummassuk piffissaligaanngitsumik matoqqatitsinissamik pilersaarut ingerlanneqarnavianngitsoq, taamaallaalli angajoqqaanut innuttaasunullu malugineqarnissamik siunertaqartoq, Kommune Kujallermi atuarfeqarfinnut ulluuneranilu paaqqinnittarfinnut ingerlatsivimmi pisortaq erseqqissaavoq.

Sulianik aallarnissaaneq

Tamanna tunngavigalugu kommunip naatsorsuutigaa,”pisuusaartitsinermi” unioqqutitsilluni sulianik unitsitsisoqassanngitsoq.

- Taamaattorli unioqqutitsilluni suliamik unitsitsisoqassagaluarpat, tamatumalu malitsigisaanik kommune meeqqanut angajoqqaanullu pisussaaffini malillugu ulluunerani paaqqinninnerup tungaatigut kiffartuussisinnaajunnaartinneqassagaluarpat, kattuffinnut suliamut attuumassuteqartunut isumaqatigiissutit pingaarnerit tunngavigalugit naapertuuttumik qisuariaateqassaaq, pisariaqassappallu suleqataasunut unioqqutsitsilluni iliuuseqarnermut akisussaasunut suliassanngortitsissalluni kommune piareersimassaaq, Jens Korneliussen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER