isornartorsiortoqareersoq

Svane Savalimmiormiumut: Akuliunnak

- Savalimmiuniit Folketingimut ilaasortaq Sjúrður Skaale Kalaallit Nunatsinni oqartussaaffiinut akuliutissalluni pissutissaqanngilaq, akuliuttariaqaranilu, Jess Svane Savalimmiormiut isornartorsiuinerata kingorna taama oqarpoq.

Jess Svane beder det færøske folketingsmedlem Sjúrður Skaale til at blande sig udenom Grønlands interesser

Savalimmiormiut Folketingimut ilaasortap Sjúrður Skaalep Folketingimi ammaanersiorluni oqallittoqarnerani Kalaallit Nunaat sakkortuumik isornartorsiorpaa, aalisarnermut piniarnermut naalakkersuisup Karl-Kristian Krusep (S) kilisaatini 24 meterinit takinerusunit inuttat pillugit maleruagassanut siunnersuutaanut tunngatillugu Berlinimisut qarmarsualiortoqarniarneraalluni.

- Kalaallit Nunaanni aalisarnermut naalakkersuisoq 2020-mit kalaallit umiarsuaanni aqumiut tamarmik 90 procentii Kalaallit Nunaanni ukiuni marlunni najugaqarsimanissaannik piumasaqaatilimmik nalunaarummik saqqummiussilersoq, ippassaani (sisamanngormat, aaqq.) Sermitsiami atuarakku tupaallappunga, Sjúrður Skaale, Folketingimi oqaluttarfimmit taama oqarpoq.

Atuaruk: Savalimmiunit isornartorsiorneq: Kalaallit Nunaat Berlinimisut qarmaliulerpoq

Jess Svane: Akuliunnak
Kisianni Sjúrður Skaale akuliuttariaqanngilaq, Siumup naalakkersuinikkut oqaaseqartartua, Jess Svane isumaqarpoq.

- Savalimmiuniit Folketingimut ilaasortaq Sjúrður Skaale Kalaallit Nunatsinni Inatsisartut Naalakkersuisullu akisussaaffiinut oqartussaaffiinullu akuliutissalluni pissutissaqanngilaq, akuliuttariaqaranilu, Jess Svane tusagassiuutinut nalunaarummi allappoq.

Atuaruk: Angallatini inuttalersuisarnermi maleruagassat allannguuteqangaatsiartut

Savalimmiormiut ajattorneqanngillat
Taanna nangippoq:

- Naalagaaffeqatigiiffiup iluani Naalakkersuinikkut suleqataasut assigiinngitsorpassuarnik soqutigisallit Siumumiit ataqqilluinnarpavut nunaqarpullu pillugu isummersortarnerat ataqqillugu. Kisianni naalagaaffeqatigiikkaluarlutaluunniit naalagaaffeqatitta ilaasa aningaasarsiorfissaannatik pillugit nunatsinnik soqutigisaqarnerat aamma takornartarinngilarput, Jess Svane erseqqissaavoq, taassumalu Savalimmiunit Folketingimut ilaasortaq 'nunasiaateqarniatut' pissusilersoqqunagu.

Savalimmiormiut ajattorneqanngitsut taanna oqarpoq.

- Ukiuni marlunni nunatsinneereersimanissamik piumasaqarneq pissusissamisuuinnarpoq nunaqavissut suliffeqarfinni illersorneqarnissaannik siunertaqarmat, Siumumeersoq Jess Svane oqarpoq.

Powered by Labrador CMS