assammik arsaanneq
Minik Dahl Høegh aqqunangaatsiarpoq
Assammik arsaalluni nunanut allanut unammisartoq, Minik Dahl Høegh seeqquumigut aqqunarujussuarnermi kingorna sæsonip sinnera Aarhus Håndoldimut nunanullu allanut unammisartunut peqataaqqissinnaajunnaarunarpoq
Arsaaffiup saamiatungaani illersuisartoq, ukioq kingulleq aqqunaqattaareerluni una sæson aallartittumi Aarhus Håndboldimut pikkorissutsini takutittussanngoraluarpaa.
Tunnerluttoq
Arfininngornermi ualisoq, kalaalleq pikkorilluinnartoq ajutoorpoq. Tamanna qaqeqqammertut Nordsjælland unammineranni, Minik Dahl Høegh isertitseriarnermi kingorna tunnerlungaatsiarsimasoq, Århus Stiftstidende allappoq.
Ataasinngornermilu ualisoq nakorsanit naliliiffigineqarpoq. Korsbåndini tunorlerpaaq aqqunassutigerujussupaa, taamatullu aqqunarnermi qaammatit sisamaniit arfineq pingasut tikillugit aaqqinniarnermi atorneqakkajuttarput. Sapaatip-akunneratalu ingerlanerani MR-scannertinnerani paasinarsissaaq, korsbåndia qanoq annertutigisumik ajoqusersimanersoq.
Århus ikiorusukkaa
- Uninnganera piffissami sivikinnerpaamiinnissaa neriuutigilluinnarpara, arsaqataarusuppungami Århusilu uani sæsonimi ikiorusullugu, Aarhusimi unammisartoq najukkami aviisimut oqarpoq.