Gå til hovedindhold

Kingornussamut qitiusumik tikeraarfittut Narsarsuup Katersugaasivia piareersimavoq

Kujataani nunarsuarmioqatigiit kingornussaattut allattorsimaffimmut ilannguttoqarneranik nutaarsiassatsialaap, Narsarsuarmi Katersugaasiviup sumiiffimmi qitiusumik tikeraarfittut piareersimaneranik nalunaaruteqartitsivoq.

Kujataata nunarsuarmioqatigiit kingornussassaat pillugit allattorsimaffianut ilanngunneqarnerata kingorna, Narsarsuarmi Katersugaasivik qitiusumik tikeraarfittut suliassamik kivitsinissamut piareersimavoq. Katersugaasivimmi pisortaq, Ole Guldager, taama oqaluttuarpoq.

- Kommune Kujalliup katersugaasivik qitiusumik tikeraarfittut atorumaaraa Narsarsuarmi Katersugaasivik neriuuteqarpoq, tassami atortut pisariaqartinneqartut tamarmik katersugaasivimmiimmata. Kingornussassaq pillugu aamma saqqummersitamik peqareerpoq, Ole Guldager oqarpoq.

Qitiusumik tikeraarfittaqassaaq
Ippassaq sapaatiummat UNESCO-mi nunarsuarmioqatigiit kingornussaat pillugit komitep sumiiffik akuersissuteqarfigisimagaat saqqummiunneqarpoq, taamaalillunilu Ilulissat Kangerluat assigalugu kingornussanngorluni.  

Aamma atuaruk: Assit takukkit: Nunarsuarmi kingornussassat

UNESCO-p malittarisassai naapertorlugit qitiusumik tikeraarfimmik, sumiiffik pillugu paasissutissartaqartumik peqartariaqartoq tamanna isumaqarpoq.

Narsarsuarmilu Katersugaasiviup taanna suliassaq naammassinissaanut piareersimavoq.

Aningaasanik sipaartoqassaaq
- Narsarsuarmi Katersugaasivik ukiuni marlunni kingornussassatut suliniummut tunngasumik saqqummersitaqarpoq, sapaatiummallu UNESCO World Heritagep pisortatigoortumik ilisiarnaatalinnik nivinngaasinnaanngorsimavugut, Ole Guldager oqarpoq, kommunilu aningaasarpassuarnik sipaartissinnaallugu maluginiaqquaa.

 

- Katersugaasivik pioreersoq illorsuarmik nutaamik millionilikkaanik akilimmut taarsiullugu atorlugu pitsaassaaq. Suliassap kivinnissaamut piareersimavugut. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER