Mandag, juni 19, 2017 - 14:02

Maanna SMS-ikkut aningaasanik tunissuteqarsinnaavutit

Tele-Postip pisortaanera, Kristian Reinert Davidsen uani takuneqarsinnaavoq.
Foto: Tele-Post
Uummannap eqqaani eqqugaasunut iluaqutissamik Tele-Post SMS atorlugu katersuiniarnermik aallartitsivoq

Uummannap eqqaamiuinut ajunaarnersuarmut eqqugaasunut maanna aningaasanik tapiissuteqarnissaq periarfissaalerpoq.

Tele-Post tusagassiuutinut nalunaarummi taama allappoq.

- Uummannap eqqaani pisunut atatillugu Uummannap eqqaani innuttaasut, aamma nuna tamakkerlugu eqqugaasut eqqarsaatitsinniipput. Røde Korsip ikiuiniarluni sulinera katersuiniarnitsigut tapersersorusupparput, aammalu neriuutigalugu piffissami artornartumi ikiuineq tuppallersaataasinnaassasoq. Tele-Postip nammineq sulisui upalungaarsimasut sulineranni suleqataasimallutillu suli suleqataapput. Ulluni makkunani taakku, aamma allat tamarmik suliniarnerannut qujanarujussuaq, pisortaaneq Kristian Reinert Davidsen oqarpoq.

1880-imut SMS-erluni tapiissuteqartoqarsinnaavoq:

  • IKIU 25 – 25 kr.-nik tunisiniarluni
  • IKIU 50 – 50 kr.-nik tunisiniarluni
  • IKIU 150 – 150 kr.-nik tunisiniarluni

Oqarasuaatit angallattakkat ataasiakkaat ullormut pingasoriarlutik SMS atorlugu tunisisinnaapput. 

SMS-ikkut tunissutigineqarsinnaasut saniatigut aningaasanik amerlanerusunik tuniserusuttoqarpat Grønlandsbankenip tapersersuisunut kontoliussaanut 6471- 1570134-mut ikisisoqassasoq Tele-Postip inassutigissavaa.

Seneste nyheder / Nutaarsiassat kingulliit