Mandag, juni 19, 2017 - 13:53

Herculesip timmisartup tunniussat angallatissavai

Foto: FLyvevåbnets Fototjeneste
Sakkutuut timmisartuata atisat katersorneqartut Uummannamut timmisartuutissavai. DR Nordjylland taama allappoq.

Sapaatip-akunnerata naanerani tassaarsuaqarnerata kingorna danskit sakkutuui timmisartumik assartuummik Aalborgimit Nunatsinnut aallartitsivoq.

Timmisartoq ippassaq Nuummut tikippoq, ilaatigullu qarsutsiffiusimasumut ikiorsiissutissanik timmisartuussissaaq, Jette Elkjær Nuummi Issittumi Sakkutooqarfimmeersoq oqaluttuarpoq, taanna timmisartumut akisussaasuuvoq.

- Nuummiut ippassaq atisanik katersuinermik aallartitsipput, ilaatigullu katersortarfimmut atisanik tunniussuisoqarpoq. Atisat taakku timmisartutsinnit sumiiffimmut eqqorneqartumut ingerlanneqassapput, taanna DR Nordjyllandimut oqarpoq.

Atisat inunnut angerlasimaffeeruttunut tunniunneqassapput. Timmisartoq politiinik Danmarkimeersunik aqqanilinnik ilaasoqarpoq, taakku kalaallit suleqatitik ikiussavaat, timmisartorlu assartuut inunnik amerlanerusunik assartuusseratarsinnaavoq, Jette Elkjær oqarpoq.

- Namminersorlutik Oqartussanit aallartitat timmisartumut ilaanissaat inissinnialeruttorparput.

- Vi er i gang med at få styr på, at en delegation fra det grønlandske selvstyre kan komme med flyet.

Herculesip timmisartup saniatigut timmisartoq Challengeri Danmarkimit aggerpoq, taassuma arfininngormat qaqqap sisoorfia tassaarsuaqarneranut pissutaasimasinnaasoq ornissavaa.

- Qaqqap sisoorfigisimasaa nakkutigissavaa, sisoortoqaqqinnissaanut aarlerinartoqarnera pissutigalugu, Jette Elkjær oqarpoq.

Seneste nyheder / Nutaarsiassat kingulliit