Inatsisartut
Inatsisartut ataatsimittarfittaassaat kinguartinneqartoq
Inatsisartut ataatsimiittarfittaassaaq aalajagiiffigineqannginnerani aningaasaqarnermut akileraartarnermullu ataatsimiititaliami ilaasortat amerlanerit paasissutissanik amerlanerusunik takoqqaarusupput
Inatsisartut ataatsimiittarfittaassaat akuerineqarnissaa, Inatsisartuni aningaasaqarnermut akileraartarnermulli ataatsimiititaliap misissueqqissaartorqartinnagu taperserumanngilaa.
Siumup IA-llu ilaasortaatitaasa amerlanerit pilersaarusiap imaanik aammalu aningaasatigut iluaqutissartaasa akornutissartaasalu nalunaarusiat siunnersuummut akuersitigaltik takoqqaarusuppaat.
Pilersaarummut Demokraatit suli taaseqataanianngillat.
Akerliinerit
Inatsisartut ataatsimiittarfittaassaat ukiuni arlalinni eqqartorneqarpoq.
Aamma atuaruk: Inatsisartut ataatsimiittarfissaannik takorluugaq uummarsaqqikkaat
Inatsisartut siulittaasoqarfia 2014-mi Inatsisartut ataatsimiittarfittaassaanut pilersaarutit saqqummiummagit, annertuumik akerlilerneqarpoq.
Ilaatigut Aqqaluup Aneerasaartarfianut inissinneqarniarnera amerlasuunit mamiatsaatigineqarpoq. Tamanna atsiornernik katersinermik amerlasuunilli peqataaffigineqartumik akerliussutsimik takutitsivigineqarpoq.
Nuutoqqai Aqqaluullu Aneerasaartarfiani ataatsimiittarfittaassap inissinneqarniarnera siullermik akerlerineqarpoq. Kingornalu ataatsimiittarfittaassaq 100 mio koruunit sinnerlugit akilik silatusaarnerunersoq oqallisigineqalerluni.
Kommuneqarfik Sermersuup ataatsimiittarfittaassaq Epinionimut misissortimmassuk, Nuummi innuttaasut 58 procentiisa akerlilersimavaat.
Aamma atuaruk: Inatsisartut nutaamik ataatsimiittarfittaassanngillat
Tassani Inatsisartut siulittaasoqarfiata pilersaarutit kinguartikkallarpaat.
Naatsorsuutit amigaatigineqartut
'Inatsisartut ataatsimiittarfissaannik, aIlaffissornikkut suIIissiviit ilannguIlugit, nutaamik sananissamik 2013-imi novembarimi tunngaviusumik isummernerup Inatsisartunit ilalerneqarnissaanik Inatsisartut aalajangiiffigisassaattut siunnersuut.' 2016-mi Inatsisartut ukiaanerani ataatsimiinnerani Inatsisartut Suleriaasiannut Ataatsimiititaliap siunnersuut saqqummiuppaa.
Siunnersuulli taanna, aningaasaqarnermut akileraartarnermulli ataatsimiititaliap suliarisimasaa tapersersimanngilaat, isumaqaramik taperserneqarpat siulittaasoqarfik ataatsimiittarfittaassaamik sanaartortinneqarnissaminut akuerineqassasoq. Ataatsimiititaliap pilersaarummut aningaasartuutigineqartussat nalunaarsorluarneqarnissaat amigaatigaat.
- Ataatsimiititaliap naliliinera malillugu pissutsit arlallit erseqqinnerusumik misissorneqartariaqarlutillu allaaserineqartariaqarput., ataatsimiititaliap isumaliutissiissutaani allassimasoqarpoq.
Taamaammat Aningaasaqarnermut Akileraartarnermullu ataatsimiititaliap Inatsisartuni siulittaasoqarfik pilersaarummi ersarinnerusumik suliaqartitsissasoq suliakkerpaa:
- Allaaserineqarnerani Inatsisartoqarfimmik sanaartornermi, ingerIatsinermi, aserfallatsaaliinermi aammalu kusanartuliatut iIusiIersorneqarnissaani amngaasartuutit iIanngullugit nassuiarneqassapput. Kiisalu maanna Inatsisartoqarfiusup iIuarsaanneqarneranut sanilIiullugu aningaasaqarnikkut pitsaaqutit ajoqutiIlu suliassap allaaserineqarnerani nassuiarneqassallutik, siunnersuummi allassimasoqarpoq.
Suliaq ullumi Inatsisartuni suliarineqassaaq.