Gå til hovedindhold

Atuartut angerlarsimaffiini maleruaqqusat nutaat toqqissisimatilissasut

Nunatsinni atuartut angerlasimaffiini illutatigut perorsaariaatsikkulli minnerpaaffiliisoqassaaq.

Naalakkersuisup Doris Jakobsenip paragraf 37 naapertorlugu Debora Kleistimut IA-meersup akissutaani tamanna atuarneqarsinnaavoq.

Inatsissatut siunnersuut tusarniuutigineqartoq

Inatsisissatut siunnersuut tusarniaavigineqartussanngorlugu ingerlateqqinneqarsimasumi, politikkerit siunnersuuteqarsimapput atuartut, atuartut angerlarsimaffiiniinnissaannut ilinniartullu ineqarfinniinnissaannut malittarisassanik sukumiinerusunik minnerpaamillu piumasaqarsinnaanermut tunngavissinneqassasut.

Atuartut angerlarsimaffiini iIIutatigut perorsaanikkullu atugassarititat atuartut inuulluarnissaannut ilinniarnissaannullu kiisalu angajoqqaat qitornaminnik atuartut angerlarsimaffimmukartitsinerminni tapersersorneqarnissaannut toqqissimanissaannullu pingaaruteqarluinnartuusut, paasisat aallaavigalugit suliniut aallartinneqarsimavoq.

"Atuartut angerlarsimaffii pillugit Nassuiaat" suliarineqarsimasoq tunngavingalugu suliniuteqartoqalersimasoq, Doris Jakobsen paasissutissiivoq.

Nakkutilliinissamut periarfissiisoq

Malittarisassiorluni piumasaqaatinullu minnerpaaffiliilluni akuersissuteqareernerata kingorna, Namminersorlutik Oqartussat kommunillu nakkutilliinissaat tunngavissinneqassapput aammalu piumasaqaatit malitsinneqarnissut misissorneqarsinnaalissallutik.

Atuartut angerlarsimaffiisa ilaat iIIutatigut perorsaanikkullu pitsaassutsip annikinnerpaaffiliinissaq pisaqariaqanngilaq, ilaallu malinnaasinnaanatik. Atuartut angerlarsimaffiini perorsaanikkut atugassarititatigut minnerpaaffiliinissamut piumasaqaatinngortussanut naammassinniffiusinnaanngitsuni kommunit ataasiakkaat qanoq aningaasartuuteqarnissaat eqqoriaruminaatsoq, Doris Jakobsenip paasissutissiaraa.

Aningaasartuutit

- IlIutatigut atugassarititat akuerineqarsinnaasut qulakkeernissaannut atatillugu aningaasartuutaajunnartut massakkut kisitsisinngortinneqarsinnaanngillat. Qanoq issutsimut naliliinermi 2011-meersumi aningaasartuutissat 160 aamma 230 mio. kr.-nit akornanniittussatut missingiiffigineqarsimapput, ukiunili qaangiuttuni nutaanik sanaartortitsinerit, iluarsaanerit aserfallannerillu aqqusaagaasimapput, taamaammallu 2017 -imi aningaasartuutinngortussat 2011-mi qanoq issutsimut nalunaarsuisimanerit misissoqqinnissaannik pisariaqartitsisussaapput, Doris Jakobsen akissuteqaammini allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER