Malissuaq
Løkke: Kalaallit Nunaani ajunaarnersuaqarnera alianartorujussuuvoq
Ministeriunerup Kim Kielsenip attaveqarfigisimavaa
Nunatsinni nunap sajunnerata kingora malissuaqarlunilu qarsutsisoqarsimanera danskit naalakkersuisuisa aamma tusarsimavaat.
Ministeriuneq Lars Løkke Rasmussen (V) Twitterikkut allappoq nunaqarfimmi Nuugaatsiami pisut qanimut malinnaaffigalugit.
- Nuugaatsiarmi ajunaarnersuaqarnera alianartorujussuuvoq. Misiginneqataanera apuukkumallugu pisullu pillugit paasitinneqarumallunga Naalakkersuisut siulittaasuat Kim Kielsen oqaloqatigaara, taanna allappoq.
Nuugaatsiami annertuumik annaassiniartoqarpoq. Upalungaarsimanermut oqartussat inuit 39-it piffimmit qimarngussimavaat. Nunaqarfimmi innuttaasut 100-ut missaannipput.
Nunap sajuppilunnera 4,0-ip missaanniittoq arfininngornerup unnukkuani tsunamimik pilersitsivoq, taannalu piffinni arlalinni malissuaqartitsillunilu qarsitsinersuaqartitsivoq.