nunap sajunnera

Air Greenland angalanissanik allannguisoq

Qaarsunut/Uummannamullu aamma Qaarsuniit/Uummannamiillu Dash 8-imik ullumikkut timmisartuussinissaq taamaatiinnarneqarpoq, Nuugaatsiap eqqaanilu tassaarsuaqarnera pissutigalugu.

Uummannami qarsutsinersuaqarnera pissutaalluni angalanissanik allannguisoqartoq, Air Greenland nalunaaruteqarpoq.

Tamatumunnga pissutaavoq Dash 8-ip sumiiffimmi timmisartuussinerani maannamut upalungaarsimanermik suliaqartut aamma usit pingaarnerutillugit timmisartuunneqarnermata. Aammattaaq Qaarsuni mittarfik ullup sinnerani matoqqavoq.

Timmisartuussinissamik taamaatitsiinnarneq ilaasussanik 100-nit amerlanerusunik eqquivoq, taakkulu periarfissaq siulleq atorlugu angalanissaat pisussanngorlugu allanngortinneqassaaq.

Ilaasussat timmisartuussinissat pillugit Air Greenlandip nittartagaatigut malinnaasinnaapput, aamma ilaasussat inniminniinnerminnut atatillugu oqarasuaatimik angallattakkap normuanik paasissutissiisimasut allannguutit pillugit sms-imik nassinneqassallutik, timmisartuutitseqatigiiffiik tusagassiuutinut nalunaarummi paasissutissiivoq.

Powered by Labrador CMS