Kommunimut qinersineq 2017

IA ajugaarujussuartoq – Siumut ajorsarujussuarluni

Nunatsinni kommunalbestyrelsimut qinersinermi qinersisimasut affaat kisinneqareersimalerput. Siumut kinguariaateqarpoq, IA-lu qineqqusaarnermi ajugaalluni.

Nunatsinni qinersisimasunik suli kisitsisoqarpoq.

Qinersisinnasunit 41.036-usuni 16.778-it kisinneqarsimalerput, paasinarsivorli Siumut kommunalbestyrelsimut qinersinermut kingullermut sanilliukkaanni 9,8-mik kinguariaateqarsimasoq. IA-li 10 procentimik siuariaateqarsimalluni.

Maannamut kisinneqarsimasuni Atassut 4,2 procentimik kinguariaateqarsimavoq, Demokraatit 4,1 procentimik siuariaateqarsimavoq kiisalu Partii Naleraq 2,1 procentimik siuariaateqarsimalluni.

Procentit taakkartorneqartut qinersisimasunik kisitsineq naammassippat allannguuteqarsinnaapput.

Kommuneqarfinnilu tallimaasuni borgmesteriuteqartitsinissamut allannguuteqassanersut suli nalunarpoq. Kisianni qularnanngilaq Asii Chemnitz Narup ukiuni sisamani borgmesterioqqissasoq.

Powered by Labrador CMS