annaassiniarneq
Qimuttup niua kipineqartoq
Ilaqutariit Inuvimmi Canadami najugallit qimmiat napiarniummut kiggigussaalluni niumini ajoquserujussuarpoq
Qimmeq qaammatinik 18-inik utoqqaassusilik Inuvimmi najugalinni pigineqartoq sivikitsumik angerlarsimaffimmit qimaaqqasimasoq angerlarpoq niua ajoquserujussuarsimalluni. Annaanneqarsinnaanngimmallu kipineqartariaqarsimalluni.
Ilaqutariit qimmip suliarineqarnissaanut ikiorneqarput maannalu qimmip niua kipineqareersimalertoq Canadami nutaarsiassaqartitsivik CBC news allaaserinnippoq.
Atuaruk: Nannup qimmeq qimuttoq inequssuukkaa
Canadamiut ikiuiniaqatigiiffiat Arctic Paws qimmip suliaritinnissaanut aningaasaliipput. Ilaqutariit nukappiarartaat qimmimut Elliemik atilimmut qanittorujussuanngorsimasoq nalligilerlugu ikiuissallutik aalajangiussimagitsik ikiuiniaqatigiiffiup oqaaseqartartua CBC newsimut oqarpoq.
- Nukapparaaqqap qimmerimmagu toqutsikkusussimanngilarput kukkussuteqanngimmatami, Angela McInnens Actic Pawsimeersoq nutaarsiassaqartitsivimmut oqarpoq.
Pullatit oqallisigineqarput
Qimmit sikkani napiarniummut ilaqutariit najugaqarfiannit aqqummut ungasinngitsumiittumut kiggigitsittoorsimavaa. Ellielu siullerpaanngimmat taama misigisaqartoq napiarniusersuisarneq pullatilersuisarnerlu ineqarfinnut qanittumiittarneri oqallisigineqarlerput.
Nutartigaq - ilaqutariit Greenlandimik ateqarput allaaserineqareeraluartutut Kalaallit Nunaanneeratik.