Nuuk
Biilinik inissiineq pillugu oqallinnersuaqartoq
Nuummi sisoraartartut peqatigiiffiata illuutaata ungasinngisaani biilinik inississimasunik assilisaq ajornartorsiutaasumik ersersitsisoq oqallisingineqangaatsiarpoq
Sisorartartut peqatigiiffiata illuutaa Nuummi Akunnerit atinnguanniittoq ornigarneqarluartillugu inuinnaat aqqutaat biilinik inissititersimasunik aqqutissaajunnaangajavittarmat Akunnerini najugallit qatsussipput.
Inuimmi pisuinnaq ingerlaffisaraluat assersorneqartillugu biilit aqqutaatigoortariaqarmata.
Akunnerni najugallit biilit pineqartut assilisimariarlugu inuit naapittarfiinut ilivai pisoq qanoq ilungersunartiginersoq ersersikkumallugu. Biilertullu bussit unittarfiata tunuanut biilinut inissiisarfimmut biilitik inissittaqqullugit kajumissaarlugit, taannami meterinik 20-nik ungasitsigaaq uninngaffigineqartartumit.
Allagartaq biilinik uninngaqqusinngitsoq
Assi oqallisingineqangaatsiarneranut pissutaavoq biilerpassuit uninngaffigeqqusaanngitsumiinneri. Tamannalumi inuppassuit kamaatigaat.
Atuaruk: Ujakkaartartoq inuusuttoq piukkunnaatilittut toqqarneqartoq
Assiliisup biilit allamut unitsinneqartalinngippata oqartussat attavigissallugit aamma sioorasaarivoq.