kulturi
Operamik erinarsortartoq Kommuneqarfik Sermersuumi kulturikkut ambassadørinngorpoq
Tallimanngormat Kulturi pillugu ambassadøritaaq tallimanngormat ivertinneqarmat aaqqissuussinertalimmik pivoq
Operartartoq Josef Lund Josefsen Kommuneqarfik Sermersuumi kulturikkut ambassadørinngortinneqarpoq.
Nuummi Grønlandsbankip kantiinaani aaqqissuussinertalimmik kulturikkut ambassadørinngortinneqarpoq.
Piumassuseqarluni anguniagalik
- Angut taanna erinarsorneq erinarsoriaatsillu ilinniutigalugit siaruaalluarsinnaasimavai – taannami Nunarput tamakkiusarlugu angalasareerpoq nunanilu allani tusarnaartitsiartortarsimalluni.
- Angutaavoq nukappiaraanerminiilli sunngorusunnerluni nalunngereersimavaa. Piumassuseqarluartuuvoq anguniakaminillu pimoorussisarluni, borgmester Asii Chemnitz Narup aaqqissuussinermi ilaatigut taama oqarpoq.
Josef Lund Josefsenip 1998-imiilli Ida Heinrichi nuannareqisaminik operaqatigisalersimavaa.
Josef Lund Josefsenip, nipilersortartoq qilaatersortartorlu Leif Sandvig Kommuneqarfik Sermersuup kultoori pillugu ambassadørerisaa taarserpaa.