Siulittaasoq nutaaq
Bent Sørensen Aalisarnermut siunnersuisooqatigiinni siulittaasunngorpoq
Aalisarnermut siunnersuisooqatigiit siulittaasortaarput
Annonse
Kalaallit Nunaanni Sulisitsisut Peqatigiiffianni siunnersorti (GE) Bent Sørensen Aalisarnermut siunnersuisooqatigiinni siulittaasunngorpoq.
Aalisarnermut siunnersuisooqatigiinni siulittaasuusimasoq Petrus Biilmann, KNAPK, Bent Sørensenimik, GE, taarserneqassasoq siunnersuisooqatigiinni ilaasortat isumaqatigiissutigigaat, Naalakkersuisut tusagassiuutinut taama nalunaaruteqarput.
Qanittumi KNAPK-mit qinerneqartoq siulittaasumut tullersortaalissaaq.
Aalisarnermut siunnersuisooqatigiit aalisarnermik soqutigisaqaqatigiinnit ilaasortaaffigineqartoq Naalakkersuisunut aalisarnermut tunngasunik siunnersuisarput.