angerlarsimaffeqanngitsut
Angerlarsimaffeqanngitsunut unnuiffissiaq atulerneqarpoq
Nuummi angerlarsiamaffeqanngitsunik ininik nutaarluinnarnik unnuiffissaqalerput. Unnuisarfissap nutaaq atuutilereeraluartoq Kommuni aalajangerpoq unnuisarfik Kongevejimiittoq suli atorneqarsinnaasoq.
- Angerlarsimaffeqanngitsut unnuiffissaminnik kissaateqartut tamarmik itigartinneqartrunnaarnissaanik siorna ukiakkut aalajangerparput. Angerlarsimaffeqanngitsullu qassiunersut ingerlatsivimmit taamanili malinnaavigiualerparput. Unnuisarfissamik nutaami piulersitsinitsinnut pissutaaneerpaavoq angerlarsimaffeqanngitsut amerligaluttuinnarneri, taamaattumik nutaamik unnuisarfimmik pilersitsinitsinni nutaanngitsup atuinnarnissa kissaatigalutigu, tassaami taanna aamma pisariaqaartilluinnarami, Isumaginninnermut, suliffeqarnermut Inuussutissarsiornermullu ingerlatsiviup pisortaa, Grethe Nielsen oqarpoq.
Kommunimi piffissami kingullermi angerlarsimaffeqanngitsut unnuiffissarsiortartut amerliartuinnarnerat tusagassiuutinut nalunaarutigaa.
- Inissaqanngitsut amerligaluttuinnarnerisa pilersitaanik sukkasuumik qanoq iliuuseqapallattariaqarsimavungut. Tassami ukioq manna assut isseqimmat unnuiffissarsiortut itigartissinnaanngilangut, Grethe Nielsen paasissutissiivoq.
Ippassaq unnuiffigineqarsinnaasumi nutaami unnuisut 36-usimapput qanganitsamilu tallimaasimallutik.
Unnuisarfiit taakku marluk ingerlaannarallarnissaat pilersaarutaaavoq kommunip decembarimi siorna containerinik pisiaasa inissialiaralugit nutserfigineqarnissaasa tungaanut, tusagassiuutinut nalunaarummi taama paasissutissiisoqarpoq.