film

Sumé pillugu filmiliaq Aká Hansenilu Berlinalenimi peqataalersut

'Sumé- mumisitsinerup nipaa' Barlinalenimi aammaarluni takutinneqalerpoq

'Sumé- mumisitsinerup nipaa' filmfestivalemi Berlinalenimi aappassaaneerluni takutinneqarpoq.

Ukiut marluk matuma siorna filmiliaq saqqummeqqammersoq Tysklandip illoqarfiata pingaarnersaanni takutinneqaqqaarpoq.

Filmillu aaqqissussisua Emile Hertling Péronard peqataanissamut toqqarneqarnertik nuannaarutigaa.

- Filmiliaq Berlinalenimi takutinneqartussanngornera nuannertorujussuuvoq. Filmi takutinneqareernikoq takutinneqartussanngoqqinnera oqaluttuarisaanermi aatsaat taama pisoqannguatsiarpoq, facebookimi allappoq.

Atuaruk: Kalaallit rockimik piviusulersaarusiaat Københavnimi takuteqqaarneqassaaq

Nunat avannarliit isiginiarneqarput

Nunat inoqqaavi pillugu aaqqissuussami NATIVe-mi filmi takutinneqassaaq. Ukioq mannalu aaqqissuussap NATIVe-p nunani avannarlerni nunap inoqqaavi sammisaraat, tassanilu filmit qulit filmeeqqallu qulingiluat takutinneqartussaassallutik.
Aká Hansenillu filmeeraliaa 'Half & Half' 2014-mi saqqummersinneqartoq takutinneqassalluni. Filmi kinaassuseq pillugu isumalioqqissaarnermut sammisaqartoq.

- Affarmik kalaaliullunilu danskiusoqarsinnaanerluni?, ilaatigut aperivoq.

Atuaruk: Sume pillugu filmiliaq Berlinimi filmfestivalimi ilaatinneqalerpoq

Pilersaarutip saniatigut Arctic Film Circle suliniutaani filmit pingasut takutinneqassapput, kalaallinit filmiliaq The Last Walk takutinneqartussanut ilaalluni. Taanna Pipaluk K. Jørgensenip Mikisoq H. Lyngellu suliaraat.

Berlinalen februaarip qulingiluaanit 19-anut ingerlanneqassaaq.

Aká Hansenip filmeeraliaa ataani takuneqarsinnaavoq Sumélu pillugu filmiliamut ussassaarut aliannaarfigineqarsinnaalluni.

Powered by Labrador CMS