inuulluaqqusineq
Narsami eqqaaniaalluni naalagiaqatigiinneq
EqqumiitsuliortoqKîstat Lund Narsarmiut sapaatiummat inuulluaqquaat
Sapaatiummat ullup-qeqqariitsiartoq eqqumiitsuliortoq Kïstat Lund Qaqortumi ilisaammat Narsami eqqaaniaalluni naalagiaqatigiittoqarpoq.
Palasi Nukánguak' Adolfsen Narsami borgmesteriusimasup Kîstat Lundillu ikinngutaata Cecilie Vahlip eqqaaniaalluni allagaa atuarpaa.
Atuaruk: Eqqumiitsuliortoq Kîstat Lund toqukkut qimaguppoq
Kïstat Lundip aamma pania maanna Danmarkimi najuqartoq eqqaaniummik allassimavoq. Taassuma arni sivittajaamik tikeraaqqasamavaa juullisioqatigalugulu. Kalaallit Nunaanukaqqinnissaminulli periarfissaqarsimanani.
Nalagiaqatigiinnerup kingorna erinarsoqatigiit NEP-80-ikkut altarip saani 'Sinniisiga asassavakkit' tussiarpaat.
Atuaruk: Assitigut inuulluaqqusineq
Naalagiat piareermata Kommune Kujalleq inuussutissalerinermik ilinniarfimmi Inuilimi kaffillerpoq.
Naalagiallu Inuilimut ingerlatillutit aqqutaani Kîstat Lundip illua sanioqqutilernerani naneruutinik apummi ikiteripput.
Ilisaasup ernera Milan Nuummi najugaqartoq Qaqortumi ilisisuni peqataapput.
Kîstat Lundip eqqissiguni inunngorfimini Ammassivimmi Narsamiluunniit ilisaanissani kissaatigisimagaluarpaa. Ukiuuneranili sila pissutaalluni angallannikkullu ajornakusoortoqartillugu Qaqortumi ilineqarpoq.