’Inuk’ takutinneqarmat kunngikkormiut peqataapput
Inuit hornorujunit amerlanerit - tusaamasat kunngikkormiullu - ataasinngorermi unnukkut 'Inuk' Københavnimi takutinneqarmat ornigupput
Qaqutiguinnaq qallunaat nunaanni aqqusinerni nannup amia siaarneqartarpoq. Tamannali ataasinngornermi unnukkut Mikkel Bryggers Gademi pivoq, Københavnimi Strøgep eqqaani Grand Teaterimi filmi 'Inuk' takutinneqarmat.
Inuit hornorujullit arlallit alapernaaserput filmertarfiup silataani iluanilu allaanatik ammassaat.
Filmertarfimmi imminermi Grand Teaterip inersuani issiaviit tamarmik ulikkaaginnaratik kalaalerpaluttumik pinnersagaavoq, kunngikkormiut issiavigisartagaanit nannup amia ammut nivingavoq filmip aallartinnginnerani meeqqat Uummannarmeersut filmimit erinarsuut atorneqartoq atorpaat, assut nuannarineqarlutik.
Ataqqinartumik pulaarteqarneq
Filmi, Kalaallit Nunaanni Oscarinnanniutitsinissamut siunnersortinit innersuunneqarnikuuvoq, siullermik franskit oqaasii atorlugu saqqummiunneqarluni, kingorna kalaallisut aammalu tuluttut filmiliortumit aamma filmimi pingaarnertut inuttaatinneqartumit Ole Jørgen Hammekenimit.
Isiginnaariat akornannipput filmimik nuannisarlutik sivisuumik ersaattartartut - prins Henrik taassumalu ernutai marluk prins Nikolai aamma prins Felix, erinarsortartoq Rasmus Lyberth, isiginnaartitsisartoq Nukâka Coster-Waldau, kultureqarnermut ministeri Uffe Elbæk, Politikenip aaqqissuisuunera Bo Lidegaard, umiartullammak Troels Kløvedal allarpassuillu.
'Inuk'-mik pilersitseqataasut ungasinngitsumi USA-liassapput Oscarinnanniunnissamut innersuunneqarnissartik suliniutigiartorlugu.