Nuuk: -9°C
Fredag, september 21, 2012 - 16:33

Assit: Suliartortut

2012-imi ukiakkut ataatsimiinnermut aallarniutitut ingerlaaqatigiinneqarlunilu naalagiaqatigiinneqarpoq

Inatsisartut pisarneq malillugu Hans Egedep Illuaniit Annaassisitta Oqaluffianut provstip soraarnerup Magnus Larsenip oqaluussiffigisaanut tassanngaanniillu Inatsisartut ataatsimiittarfiannut ingerlaaqatigiimmata Nuummut tallimanngornermi ullup-qeqqqat siornanut DMI-p silassamik ilimasaarutaa qulisimanissaanik, siallilertarnissaanik anorlilertarnissaanillu tallimallu missaannik kiannissaanik imaqartoq eqquuppoq.

Ingerlaaqatigiinnermi Inatsisartut siulittaasuat Josef Motzfeldt aataanngorlaarlu naalakkersuisut siulittaasuat Kuupik Kleist siuttuupput. Tulliupput Inatsisartunut ilaasortat, taakkunanilu uliane Henningsen aamma Akitsunnguaq Olsen Tunumiutut kalaallisoorlutik Justus Hansen Harald Biancolu Tunumiutut annoraamaartut. Kingullersaapput naalakkersuisoqarfiit pisortaat.

Læs også "Åbningstale: Den unge mand fra Nanortalik"

Ataaseq amigaataasoq
Inatsisartunut ilaasortanit 31-nit 30-t Inatsisartut ataatsimiittarfiannut issaapput. Siumumeersoq Malik Berthelsen ulluni makkunani Naalagaaffiit Peqatigiit New Yorkimi ataatsimeersuarnerannut najuuppoq. Inuit Ataqatigiinneersoq Kaali Olsen erninermi sulinngiffeqarnermut atatillugu taartaavoq: Upernaakkut ataatsimiittoqarnerani Juliane Henningsenimut taartaavoq, ukiakkullu ataatsimiinnermi Jane Petersenimut taartaalluni.

Pisarneq malillugu Inatsisartut siulittaasuat Josef Motzfeldt Inatsisartut inuulluaqqussutaannik Dronning Margrethemut kunngikkormiunullu Danmarkimilu Folketingimut, Savalimmiuni Lagtingimut, Islandimi Altingimut Nunavumilu inatsisartunut nassiussaqarsimavoq.

Ukiakkut ataatsimiinneq pilersaarutit malillugit novembarip 27-ani naammassissaaq.

Suliartortut: Hans Egedep Illuanit ingerlaaqatigiittut. Assiliisoq: Leiff Josefsen
Ukioq manna ingerlaaqatigiinnermi silagippallaanngilaq. Assiliisoq: Leiff Josefsen
Naalagiariaasut. Assiliisoq: Leiff Josefsen
Ingerlaaqatigiit Annaassisitta Oqaluffiata tungaanut sangupput. Assiliisoq: Leiff Josefsen
Provstis soraarneq Magnus Larsen politikerinut naalagiartitsisuuvoq. Assiliisoq: Leiff Josefsen
Saarliit saamimmiit: Anthon Frederiksen, Olga P. Berthelsen, Jens B. Frederiksen, Per Berthelsen, Kuupik Kleist Josef Motzfeldtilu. Assiliisoq: Leiff Josefsen
Guutip oqaasiinik nakooquteqarlutik ataatsimiittarfiliaasut. Assiliisoq: Leiff Josefsen
Inatsisartut ukiakkut 2012-imi ataatsimoorlutik assilisittut. Assiliisoq Leiff Josefsen
Inatsisartuni utoqqaanerpaaq Josef Motzfeldt ukiakkut ataatsimiinnermik ammaavoq. Assiliisoq: Leiff Josefsen
Naalakkersuisut siulittaasuat Kuupik Kleist sisamassaa ammaalluni oqalugiarpoq. Assiliisoq: Leiff Josefsen
Ammaalluni oqalugiaat Inatsisartuni marlunngorpat oqaluuserineqassaaq. Assiliisoq: Leiff Josefsen

Pung i naturfarvet sælskind

Pris: 295
Unik pung/clutch i naturfarvet sælskind (grønlandssæl) med flerfarvet, mønstret bomuldsfor, der matcher flot det blanke sælskind på begge sider....

ticket to heaven flyvedragt str 92

Pris: 200
den er dejlig varm som ny 1200kr i baby sam nu kun 200

str 98 2-3år

Pris: 400
burton vintertøj til en dreng  fra pikkor kun lidt brugt fejler intet 400kr    
Seneste nyheder

Seneste
kommentarer

3 timer 19 minutter siden
11 timer 34 minutter siden

Mest populære
24 timer