Fredag, september 21, 2012 - 15:22

Ammaanermi oqalugiaat: Angut inuusuttoq Nanortalimmeersoq

Kuupik Kleistip ammaanersiorluni oqalugiarnermini angut inuusuttunnguaq Nanortalimmi naapissimasani aallaavigalugu oqalugiarpoq. Assi: Leiff Josefsen
Kuupik Kleistip ammaanermi oqalugiarnermini innuttaasut ataasiakkaat akisussaaffimmik tigusinissaat innersuutigaa - Kuupik Kleistip ammaanersiorluni oqalugiaataa tamakkiisoq atuaruk 

Naalakkersuisut siulittaasuat Kuupik Kleist, Inuit Ataqatigiit, tallimanngornermi Inatsisartut ukiakkut ataatsimiinnerat ammarlugu oqalugiarnermini, innuttaasut ataasiakkaat imminnut inuiaqatigiinnullu akisussaassuseqarnerunissaat innersuussutigaa. 

Kuupik Kleistip ammaalluni oqalugiarnermini septembarip aallartinnerani angut inuusuttoq Nanortalimmi naapissimasami assullu sunnertiffigisimasani aallaavigaa, angut taanna Naalakkersuisunut ilaasortat sisamat Kujataani angalanerminni oqaloqatigaat. 

- Oqaaseqarnermini ataatsimeeqataasugut tamatta tiguartiffigisatsinnik eqqartorpai suliffissaaleqinermut, suliffeqarnermut sulisussaaleqisarnermullu tunngasut. Eqqartorpai ippassaammat erngussimanerup kingorna suliartunngitsoortarneq, eqqartorpaa suliffissaqarani ullaakkut makinnissamut pissutissaqanngitsutut misigisimasarneq, meeqqallu taamaattoqartillugu tulluusimaarutissaqanngitsutut misigisimasinnaanerat aamma eqqartorpai, imminut tatigisinnaajunnaarsinnaaneq, soraarsitaasarnerit aammalu aalisakkat suliarinissaqannginnamik igiinnartariaqalersartut.

- Oqaaseqarneranili qitiusoq tassaavoq, Kuupik Kleist oqaluttuarpoq; tamatta inuttut akisussaaffeqarnerput immitsinnuinnaanngitsoq aammali meeqqatsinnut, ernguttatsinnut inuiaqatittalu sinneranut. Oqaatsinilu naggaserpai oqarluni nammineernerulernissamik kissaateqarnerput angunavianngikkipput akisussaaffipput sunaanersoq nalugutsigu akisussaassuseqarnerpullu naapertorlugu iliuuseqartanngikkutta.  

 

Assaat isaallugit 
Kuupik Kleistip ammaalluni oqalugiarnermini akisussaassuseqarneq qiteritilluinnarpaa, Nanortalimmi angut inuusuttutuulli Kuupik Kleistip angorusuppaa nammineersinnaaneq soorlu Winston Churchill'ip oqaarusiatut issagaluarpalluunniit, tamanna aammik, kiagummik qullilinernillu pisariaqartitsivoq. 

Kuupik Kleist minutsini 70-ini oqalugiarpoq, naalakkersuisoqatigiinnermi qaammatit siulliit 38-t kingumut qiviarluni, aamma ukiakkut ataatsimiinnermi inatsisissatut siunnersuutit taakkartorpai soorlu 2025-mut takorluukkatut pilersaarusiaq "Uagut siunissarput - illit uangalu akisussaaffipput" eqqartorlugu. 

Kuupik Kleistip ammaalluni oqalugiaammini illuatungiliuttut assammik isaassiffigai. 

- Nunatsinni periarfissarpassuaqarpugut eqqarsaqqissaarnikkut, pilersaarusiorluarnikkut, akisussaaqatigiinnikkut suleqatigiilluarnikkullu atorluarsinnaasatsinnik. Aamma annertoorsuarnik unammilligassaqarpugut aatsaat ataatsimoorluta kivitseqatigiinnitsigut anigorsinnaasatsinnik. Tamatumani pingaarnerpaajunngilaq inuttut ataasiakkaatut imaluunniit partiitut ataasiakkaatut isummagut, pingaarnerpaajuvorli soqutiginarnerpaajullunilu inuiaqatigiinnut ataatsimut iluaqutissatut suut isumaqatigiissutigisinnaanerigut. Innuttaaqatitta naatsorsuutigaat imminnut atugassaritaasut pitsanngorsarniarlugit suleqatigiissasugut, kikkuugaluaruttaluunniit.

Nunatta oqaluttuarisaanerani pissanganarluinnartunik alloriarfeqalerpugut, alloriarfissat meeqqatsinnut taakkualu meeraannut sunniuteqartussat, taamaattumik taakkua salliutillugit eqqarsartariaqarpugut.

- Tamanna tamatsinnut annertuumik piumasaqaatitaqarpoq. Nalunngilara qinigaaffiup naajartulernerani sukkut immikkooruteqarnerput nittarsaatissallugu ussernartorsioqqajaasartugut, isumaqarpungali innuttaasut qinigaattut tatigisaattullu suliaqartitaanitsinni suleqatigiilluta naammassisaqarsinnaanerput pingaarnerpaajusoq, Kuupik Kleist oqarpoq.

Ammaalluni oqalugiaat marlunngornermi nal. 10.00 oqaluuserineqassaaq, Kuupik Kleistip OLT-mik Ilulissani ataatsimiinnermi peqataanissaa pissutigalugu, oqallinneq ullup-qeqqanut unikkallarnertaqarani naammassinissaata tungaanut ingerlassaaq. 

Kuupik Kleistip ammaalluni oqalugiaataa tamakkiisoq uani qallunaatut uanilu herkalaallisut atuarneqarsinnaavoq.

tilgodeseddel (betaling med bon´nen)

Pris: 450,-
seddelen er til lege-kæden i Nuuk-center og har en værdi til 649,95 men du/i kan købe den til 450,- er du/i interesseret? ring til 254478 hvis du/i...

Samsung Galaxy XCover2

Pris: 800
Mobil med oplader. Inkl. porto Fra Qaqortoq

Lækker zoom objektiv til Nikon, 18-200mm

Pris: 3000
Elsker du også at tage billeder i din fritid? Jeg har knap nok brugt dette objektiv, derfor er det som nyt. Nypris var ca. 5.000,-   Der kan...
Seneste nyheder

Seneste
kommentarer

4 timer 35 minutter siden
4 timer 52 minutter siden
6 timer 16 minutter siden
6 timer 18 minutter siden
6 timer 33 minutter siden
6 timer 50 minutter siden
7 timer 48 sekunder siden
7 timer 12 minutter siden
7 timer 38 minutter siden
7 timer 45 minutter siden

Mest populære
24 timer