Søndag, september 16, 2012 - 12:23

Sukkanerusumik pitsaanerusumillu passunneqarneq

MR-scanneri nutaaq tonsinik arlalinnik oqimaassuseqartoq Japanimi Hitachimit inniminnigaavoq pingaartumillu kræftertunut meeqqanullu iluaqutaassalluni, Agathe Fontain matumani tunissuteqartoq Berit Street Candys Foundationimeersoq peqatigalugu assilisittoq oqarpoq. Assiliisoq: Benny Kokholm
Qinnguartaat MR-scanner nutaaq aqqutigalugu pingaartumik kræftertut meeqqallu qajassuussinerusumik passunneqarsinnaanngorput, peqqissutsimut naalakkersuisoq Agathe Fontain arfininngornermi qinnguartaammik nutaamik Dronning Ingridip Napparsimmavissuani atoqqaartitsisoq oqarpoq

- Assilissat atorlugit nappaatinik suussusersiniaasarneq pineqartillugu MR-scannerimit Kalaallit Nunaanni Peqqinnissaqarfik sallerpaami inissisimalersinneqarpoq. MR-scanneri atorlugu timip pisataasa pitsaalluinnartumik misissorneqarsinnaalerput. Tamanna napparsimasut nappaataasa suussuserniarneqarnerannut atatillugu iluaqutaasorujussuussaaq katsorsarneqarnerullu sukkanerusumik pisinnaanissaanut periarfissiissalluni, peqqissutsimut naalakkersuisoq Agathe Fontain arfininngornermi MR Scannerimik nutaamik Nuummi Dronning Ingridip Napparsimmavissuani atoqqaartitsinermini oqarpoq.

Qinnguartaat amerlanerit misissornissaannut periarfissiissaaq, nunatsinnilu katsorsarneqarnissamut neqeroorutinut siuariaataarujussuarluni.

Candys Foundation qinnguartaatip pissarsiarineqarnissaanut peqqinnissaqarfimmut periarfissiivoq, Agathe Fontainillu aningaasaateqarfik atoqqaartitsineq iluatsillugu Candys Foundationip siulersuisuinut siulittaasoq najuuttoq Berit Street immikkut qutsavigaa.

Candys Foundation ilaqutariit aningaasaateqarfigaat siusinnerusukkut peqqinnissaqarfimmut tunissuteqartarsimasoq, ilaatigut Herlev Hospitalimut, Rigshospitalimut aamma Slagelse Sygehusimut. Qinnguartaatip saniatigut tunissutinut ilaapput atortorissaarutinik aaqqissuussineq, sulisunik ilinniartitsineq atortorissaarutillu tapertaasut.

Læs også artiklen Godt nyt til især kræftpatienter

- MR-scannerip pissarsiarineqarneratigut napparsimasorpassuit katsorsarneqarnikkut atugarissaarnikkullu pitsanngoriaaterpassuarnik tunineqassapput, pingaartumillu katsorsagassat assigiinngitsut marluk pitsanngoriaatinik annertuunik misigisaqassapput. Ilaatigut kræftertut, ullumikkut misissortikkiartorlutik Danmarkiliartariaqartartut, ilaatigullu meeqqat qinngornernut inersimasunit misikkarinnerusut, CT-scannerimut taarsiullugu MR-scannerimik atuinikkut qajassuunneqarnerusinnaalersut, Agathe Fontain nassuiaavoq.

Innuttaasut qanillillugit

- MR-scannerip innuttaasut qanillillugit ullutsinnut naleqqunerusumik katsorsarnissaannut periarfissippaatigut, kalaallit qinnguartartikkiartorlutik Danmarkiliaqqaartariaarutissammata. Tamanna immini pitsanngoriaaterujussuuvoq inuppassuarnut iluaqusiisussaq, Agathe Fontain oqarpoq00.

- Qinnguartaat taanna atorlugu napparsimalernermi siusissukkut suussusersiinissamut pitsaanerusumik peqqinnissaqarfik periarfissaqalerpoq, piffissaq eqqorlugu sukumiisumik katsorsaaneq aallartinneqartalersinnaaqqullugu - tamannalu innuttaasut ajorunnaarnissamut periarfissaannik annertusisitsissaaq, naalakkersuisoq oqarpoq.

- Nunarujussuarmi innuttakitsumi najugaqarpugut. Taamaattumik napparsimalernerup kingorna ajorunnaarnissamik tamatta pisariaqartitsivugut. Qularinngilara kikkulluunniit MR-scanneri atorlugu nappaammik eqqortumik suussusersiivigineqartut Candys Foundation uummammit pisumik qutsavigisarumaraat, Agathe Fontain oqarpoq.

Berit Street oqarpoq, DIH MR-scannerimik siullermik tunissuteqarfigisinnaanera Candys Foundationimi siulersuisut nuannaarutigisorujussuugaat.

Candys Foundation Daphne aamma Ole Mauritzenimit pilersinneqarsimavoq. Ole Mauritzenip 2004-mi toqunerata kingorna fru Mauritzen taamani 93-inik ukioqartoq nammineersinnaarpianngitsorlug Berit Streetip isumagisarisimavaa. 

- Piffissap ingerlanerani fru Mauritzenip aperaanga Kalaallit Nunaaliaqatigerusunnginneriga, taanna suli tikissimannginnamiuk. 2005-imi Kujataanukarpugut, tassanngaanniillu umiarsuarmik Ilulissiarluta, ullualunnilu tassaniilluta kangerlummi angalaneq ilulissanik arfernillu isiginnaarneq alutorsaatigalugit. Aappaaguani aallaqqippugut Uummannamullu qulimiguulimmut ilaalluta tikilluta. Fru Mauritzenip Kalaallit Nunaat, pinngortitaq, qaamaneq innuttaasullu inussiarnernersuat nuannaarutigisorujussuuai. 2007-imi aallaqqittusssaagaluarpugut, fru Mauritzenili aasap ingerlanerani toqukkut qimaguppoq, Berit Street oqalugiarnermini oqaluttuarpoq.

MR-scannerip pissarsiarinissaa sivisuumik piareersarneqarpoq. 2002-mi DIH-mi qinnguartaavissap nutaap pilersaarusiorneqarneranili MR-scannerimut inissaq immikkoortinneqarpoq, taamaattumillu pissarsiarineqarnera allanngortiterinernik annikitsuinnarnik nassataqarluni.

MR-scanneri tonsinik arlalinnik oqimaassuseqartoq Japanimi Hitachimit inniminnerneqarpoq, tassanngaanniillu umiarsuarmik assartorneqarluni. 

Agathe Fontainip MR-scanneri atoqqaartippaa ulumik Avannaaneersumik qalermik qiorsinermigut. Nuummi nakorsiartarfik nutaaq ukiut marlussuit matuma siorna atoqqaartikkamiuk ulu Kitaaneersoq atorpaa, Nuummilu napparsimasut akunnittarfiat nutaaq ukioq manna siusinnerusukkut ulu Tunumeersoq atorlugu atoqqaartillugu.

Læs også

forsøgsdyrkning

5 tikronesedler

Pris: 120
årgang 1971 - 1974, forskellig kvalitet

5 tikronesedler

Pris: 80
Årgange 1975-1977, forskellig kvalitet

Aquuteralak 90 hk 2 takt Mariner.

Pris: 20000
Kingoraartissatut imaluunniit orsuanut tunngasut iluarsilaaginnariaapput: Motori pitsaavoq ingerlanerillunilu, orsussamulli aqqutaani...
Seneste nyheder

Seneste
kommentarer

30 minutter 53 sekunder siden
4 timer 3 minutter siden
7 timer 48 minutter siden
13 timer 19 minutter siden
13 timer 24 minutter siden
13 timer 43 minutter siden
15 timer 18 minutter siden
15 timer 38 minutter siden
16 timer 37 minutter siden

Mest populære
24 timer